21 MEY 2024
ROSIA

“Nomen’i Jehovah Voninahitra Lehibe Aho hoe Hiaro ny Anarany”

HANDEFA

Tsy ho ela ny Fitsaran’i Biysk, any amin’ny Faritanin’i Altaï, dia hamoaka didim-pitsarana momba ny raharaha mahakasika ny Rahalahy Sergey Lukin. Tsy mbola nilaza ny sazy homena azy ny mpampanoa lalàna.

Ilay voampanga

Sergey Lukin

Teraka: 1971 (tany Biysk)

Mombamomba azy: Tompon’andraikitra ao amin’ny toerana iray fiompiana trondro

Nanambady an’i Yelena tamin’ny 1991. Manan-janaka mianadahy sy zafikely vavy iray

Lasa Vavolombelon’i Jehovah ny maman’i Sergey tamin’ny 1998. Nasainy namaky Baiboly i Sergey. Gaga i Sergey rehefa nahita fa mifanaraka tsara daholo ny zavatra voalazan’ny Tenin’Andriamanitra. Natao batisa tamin’ny 2010

Resadresaka nifanaovana taminy

Inona ny andinin-teny ao amin’ny Baiboly tena nampahery anao?

Niatrika olona be dia be aho rehefa lasa Vavolombelon’i Jehovah. Very asa, ohatra, aho, ary nanohitra ahy ny fianakaviako. Kivy be aho tamin’izany. Nampahery ahy anefa ilay resahin’ny Salamo 118:6 hoe: “Manohana ahy i Jehovah, ka tsy hatahotra aho. Inona moa no azon’ny olona atao amiko?” Mbola mampahery be ahy foana ireo teny ireo rehefa miatrika olana aho amin’izao. Tamin’ilay tonga nisava ny tranonay izao ny polisy dia avy eo nitondra ahy hatao famotorana, dia haiko hoe tsy misy antony tokony hatahorako mihitsy. Nanampy ahy ho tony tsara i Jehovah. Lasa falifaly be aho taorian’izay. Hoatr’izany mihitsy no tsapan’ny apostoly rehefa avy nokapohina noho ny anaran’i Jesosy ry zareo. Vao mainka izao lasa azoko tsara hoe nomen’i Jehovah voninahitra lehibe aho hoe hiaro ny anarany. Te hanao an’izay rehetra azoko atao aho mba tsy hivadika mihitsy sady tsy handiso fanantenana an’i Jehovah.

Tena modely tsara ho antsika i Sergey, ary mampahatsiahy antsika ny zavatra niainany hoe “mandroaka tahotra” ny fitiavantsika an’i Jehovah.—1 Jaona 4:18.

Zava-nitranga

1 Desambra 2022

Nampangaina ho mpanao heloka bevava
25 Janoary 2023

Nosavana ny tranony sy ny biraony. Natao famotorana ary tsy nahazo nanao dia lavitra
25 Janoary 2024

Nanomboka ny fitsarana azy

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO