2 DESAMBRA 2022
ROSIA

“Tena Zava-dehibe ny Zavatra Ataoko”

HANDEFA

Tsy ho ela ny Fitsaram-paritr’i Leninski any Tambov dia hamoaka didy momba ny Rahalahy Oleg Sirotkin. Mbola tsy nilaza ny sazy tokony homena azy ny mpampanoa lalàna.

Ilay voampanga

Oleg Sirotkin

Teraka: 1964 (Yaroslavl, Faritanin’i Yaroslavl)

Mombamomba azy: Direktera miandraikitra varotra ao amin’ny orinasa iray

Nanambady an’i Nataliya tamin’ny 2000. Tamin’ny mamany nanomboka nianatra Baiboly no nihaonany voalohany tamin’ny Vavolombelon’i Jehovah. Faly izy satria voavaly tao amin’ny Baiboly ny fanontaniany. Niara-natao batisa tamin’ny 2007 izy mivady

Manan-janaka roa vavy izy ireo

Resadresaka nifanaovana taminy

Inona no nanampy anao ho tony tao anatin’iny fitsapana iny?

Nisy rahalahy izay, nampahatsiahy ahy zavatra tsara be taloha kelin’ilay fitsarana ahy voalohany. Nilaza izy hoe: “Na inona na inona valin’ilay fitsarana eo, dia aza hadino mihitsy hoe efa mpandresy foana ianao amin’i Jehovah. Tsy hoe hiaro ny tenanao akory no handehananao any fa hiaro ny anaran’Andriamanitra sy ny zony hitondra, ary tombontsoa lehibe izany.” Nilaza koa izy avy eo hoe: “Hahatsapa ianao hoe hoatran’ny tantanan’ilay Rainao rehefa handeha ho any amin’ny fitsarana. Ho eo akaikinao eo foana izy.” Mbola mampahery be ahy ireo teny ireo. Lasa manana herim-po aho sady tadidiko hoe tena zava-dehibe ny zavatra ataoko.

Manampy antsika hitadidy ny tantaran’i Oleg hoe rehefa matoky tanteraka an’i Jehovah ny olona iray, dia “tsy hatahotra handre vaovao ratsy izy. Tsy miovaova mihitsy ny fony, fa matoky an’i Jehovah.”—Salamo 112:7.

Zava-nitranga

Martsa 2021

Nanomboka narahi-maso mangingina. Nanafina fitaovana fandraisam-peo tao amin’ny efitra fandraisam-bahiny tao an-tranon’i Oleg ny manam-pahefana. Narahin’izy ireo maso koa ny zavatra nataony tao amin’ny ordinaterany
14 Septambra 2021

Nampangaina ho mpanao heloka bevava
21 Septambra 2021

Nosavana ny tranony. Nalaina ny ordinaterany sy ny taratasiny dia nampiasaina ho porofo niampangana azy
22 Oktobra 2021

Nalaina ny fiarany
11 Aprily 2022

Nanomboka notsaraina

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO