Nolavin’ireo mpitsara telo ao amin’ny Fitsaram-paritr’i Oriol ny fangatahan’i Dennis Christensen, tamin’ny 23 Mey 2019, ka tsy maintsy migadra enin-taona ihany izy. Rahalahy sy anabavy 80 teo ho eo no nanatrika an’ilay fitsarana. Tonga tao koa ny manam-pahefana avy any Aostralia sy Danemark. Efa miresaka momba an’io didim-pitsarana io sahady ny vaovao iraisam-pirenena.

Tamin’ny Febroary no nivoaka ny didim-pitsarana voalohany nanamelohana ny Rahalahy Christensen higadra. Tao anatin’izay telo volana izay, dia efa nisy 115 ny bemidina natao tany an-tranon’ny Vavolombelon’i Jehovah. Raha oharina amin’ireo telo volana talohan’ny Febroary koa dia niakatra avo telo heny ny fiampangana natao tamin’izy ireo, tato anatin’ny telo volana.

Mivavaka ho an’ny Rahalahy Christensen sy ny mpiara-manompo rehetra any Rosia isika. Matoky isika hoe “akaikin’izay rehetra miantso azy i Jehovah” ary hampiany tsy hivadika aminy ny rahalahy sy anabavintsika na misy manenjika aza.—Salamo 145:18.