9 MEY 2024
ROSIA

‘Tsy ny Olana Mahazo Ahy no Ifantohako’

HANDEFA

Tsy ho ela dia hamoaka didy mahakasika an’ny Rahalahy Andrey Shiyan ny fitsaram-paritr’i Lesosibirsk, any Krasnoïarsk. Tsy mbola nilaza ny sazy homena azy ny mpampanoa lalàna.

Ilay voampanga

Andrey Shiyan

Teraka: 1969 (tany Lesosibirsk, faritanin’i Krasnoïarsk)

Mombamomba azy: Mpiasan’ny doanina taloha

Nanambady an’i Inna tamin’ny 1992. Manan-janakavavy iray ry zareo

I Inna sy ny mamany ary ny zandriny lahy no nianatra Baiboly voalohany tamin’ny Vavolombelon’i Jehovah. Nanaiky hanatrika fivoriana i Andrey ary nanohina ny fony ilay hoe mitombina tsara ny zavatra resahin’ny Baiboly

Natao batisa i Inna tamin’ny 2001, ary i Andrey tamin’ny 2002

Resadresaka nifanaovana taminy

Inona no nanampy anao hiadan-tsaina foana?

Lasa niainako ilay resahin’ny Romanina 15:13 hoe: “Ilay Andriamanitra manome fanantenana anie hameno fifaliana sy fiadanana ny fonareo, satria matoky azy ianareo! Amin’izay dia vao mainka ho azo antoka ny fanantenanareo noho ny herin’ny fanahy masina.” Tena manampy ahy hiaritra ny manao an-tsaina foana ny fanantenako. Rehefa mitady hatahotra sy hisalasala iny aho, dia maka sary an-tsaina ny fiainako ao amin’ny tontolo vaovao. Arakaraka ny hisaintsainako ny fiainako any, dia lasa tsy dia miady saina be amin’ny zavatra iainako amin’izao aho. Izany no manatanjaka ahy sy manampy ahy tsy hifantoka be amin’ny olana mahazo ahy fa amin’ilay hoavy tsara be miandry ahy, dia tsy izaho ihany fa isika rehetra mihitsy.

Mampionona sy manatanjaka an’i Andrey izay zavatra ampanantenain’i Jehovah hoe hataony amin’ny hoavy. Enga anie ka izany koa no ho tsapantsika. Izay ‘tenenin’i Jehovah’ ihany mantsy no ‘antenaintsika.’—Salamo 119:114.

Zava-nitranga

25 Novambra 2021

Nosavana ny tranony
11 Aprily 2023

Nosavana indray ny tranony. Nampangaina ho mpanao heloka bevava. Tsy navela nanao dia lavitra
29 Desambra 2023

Nanomboka ny fitsarana azy

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO