4 APRILY 2024 | VAOVAO FARANY: 9 APRILY 2024
ROSIA

VAOVAO FARANY—NOGADRAINA ILAY RAHALAHY | ‘Ny Mifandray Tsara Amin’i Jehovah no Tena Zava-dehibe Amiko’

HANDEFA

Namoaka didy ny Fitsaran’i Avtozavodskiy any Tolyatti, Faritanin’i Samara, tamin’ny 8 Aprily 2024, fa voaheloka higadra telo taona ny Rahalahy Aleksandr Dolganov. Tonga dia naiditra am-ponja izy raha vao niala tao amin’ny fitsarana.

Ilay voampanga

Aleksandr Dolganov

Teraka: 1988 (tany Tolyatti)

Mombamomba azy: Tsy tia nandeha niangona, tamin’izy mbola kely. Nentin’ny mamany namonjy ny fivorian’ny Vavolombelon’i Jehovah. Tsara fanahy taminy ny mpiara-manompo, sady nisy fahamarinana tsotra nazava tsara taminy, dia lasa te hianatra Baiboly izy

Natao batisa tamin’ny 2000

Nanambady an’i Mariya tamin’ny 2017

Resadresaka nifanaovana taminy

Inona no nianaranao tamin’iny zava-nitranga iny?

Rehefa nosavana ny tranonay, dia tonga saina aho hoe mety ho fongana ao anatin’ny indray mipy maso fotsiny izany ny fananako rehetra. Tena resy lahatra izahay mivady taorian’izay hoe aleo tsy mandany fotoana sy hery hanangonana zavatra eto amin’ity tontolo ity, nefa zavatra tsy ilainay akory ilay izy. Ny mifandray tsara amin’i Jehovah kosa no tena zava-dehibe aminay, sy ny hoe tia sy manampy anay ny mpiara-manompo. Vao mainka aho izao te hankafy an’izany fitahiana avy amin’i Jehovah izany satria izany ihany no haharitra mandrakizay.

Tena zava-dehibe ny mampiasa tsara ny fotoanantsika, hoatran’ny nataon’i Aleksandr, satria “ratsy” izao andro iainantsika izao.—Efesianina 5:15, 16.

Zava-nitranga

16 Mey 2023

Nosavana ny tranony. Nampidirina am-ponja vonjimaika izy
17 Mey 2023

Nafahana tany am-ponja ary nambenana tao an-tranony. Tsy navela nampiasa telefaonina sy Internet
10 Aogositra 2023

Tsy nambenana tao an-tranony intsony, saingy tsy nahazo nanao dia lavitra
13 Novambra 2023

Nanomboka notsaraina izy

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO