5 MEY 2022 | VAOVAO FARANY: 26 DESAMBRA 2022
ROSIA

VAOVAO FARANY—VOAHELOKA ILAY RAHALAHY | Omen’i Jehovah Hery i Sergey Kuznetsov

HANDEFA

Nomelohin’ny fitsaram-paritr’i Vyazemskiy any amin’ny Faritanin’i Khabarovsk ny Rahalahy Sergey Kuznetsov tamin’ny 22 Desambra 2022. Nahazo sazy mihantona roa taona sy dimy volana izy. Mbola tsy migadra izy hatreto.

Zava-nitranga

3 Septambra 2020

Nataon’ny polisin’ny FSB savahao ny tranon’i Sergey. Nalain’izy ireo an-keriny ny Baiboly, fitaovana elektronika, clés USB, ary boky sy gazety
2 Aprily 2021

Nampidirina tao anaty lisitry ny mpampihorohoro ny anarany, ary tsy afaka maka ny volany any amin’ny banky izy
9 Novambra 2021

Nanomboka ny fitsarana azy

Ilay voampanga

Sergey Kuznetsov

Teraka: 1991 (Alonka, Faritanin’i Khabarovsk)

Mombamomba azy: Manan-joky vavy roa. Tia manao baskety sy skia ary voley

Rehefa nianatra Baiboly, dia lasa resy lahatra hoe marina ny faminaniana ao ary misy ny Mpamorona. Natao batisa tamin’ny 2014, ary lasa Vavolombelon’i Jehovah

Nanao fanompoana sivily tao amin’ny hopitaly fitsaboana aretin-tsaina satria tsy nety nanao miaramila

Resadresaka nifanaovana taminy

Nahoana no manome hery anao ireo rahalahy sy anabavy?

Hoatran’ny miaramila mahery fo ireo rahalahy sy anabavy an-jatony efa nomelohina. Vonona hijaly noho ny anaran’i Kristy mantsy ry zareo, dia tena faly aho hoe mba anisan’izy ireo koa.

Tena manohana ahy koa ny rahalahy sy anabavy ao amin’ny fiangonana misy ahy. Miara-miasa foana izahay, dia izany no manampy ahy tsy hivadika mihitsy fa hiezaka hanatratra an’ilay valisoa amin’ny hoavy. Tsy misy hafa amin’ny hoe mianika tendrombohitra avo be. Raha ianao irery no mianika an’ilay izy, dia tena ho sahirana ianao ... Fa rehefa be dia be anefa no miaraka, dia tena tsapanao hoe tsy miady irery ianao fa manana mpanohana.

Matoky isika fa hanome hery an’ireo rahalahy sy anabavy any Rosia sy Crimée i Jehovah, satria be fikirizana izy ireo noho ny anarany.—Apokalypsy 2:3.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO