Nanameloka an’ireto rahalahy sy anabavy ireto ny Fitsaran’i Magadan any amin’ny Faritr’i Magadan, tamin’ny 6 Martsa 2024: Sergey Agadzhanov, Lyubov Asatryan, Galina Dergacheva, Inna Kardakova, Irina Khvostova, Galina Pechko, Konstantin Petrov, Ivan Puyda, Viktor Revyakin, Mikhail Solntsev, Oksana Solntseva, Sergey Yerkin, ary Yevgeniy Zyablov.

Nahazo sazy mihantona telo taona i Sergey Agadzhanov, Lyubov, Galina Dergacheva, Inna, Irina, Galina Pechko, Viktor, Mikhail, ary Oksana. Sazy mihantona dimy taona ny an’i Yevgeniy. Fito taona kosa ny an’i Konstantin, Ivan, ary Sergey Yerkin. Mbola tsy miditra am-ponja aloha ireo rahalahy sy anabavy ireo amin’izao.

1. 30 Mey 2018

   Nampangaina ho mpanao heloka bevava i Ivan, Konstantin, Sergey Yerkin, ary Yevgeniy, satria hoe nandamina ny asan’ny fikambanana iray mampidi-doza

2. 1 Jona 2018

   Notanana am-ponja vonjimaika daholo ireo rahalahy efatra ireo

3. 3 Aogositra 2018

   Nafahana avy tany am-ponja i Konstantin ary nambenana tao an-trano

4. 5 Oktobra 2018

   Nafahana avy tany am-ponja i Ivan, Sergey Yerkin, ary Yevgeniy ary nambenana tao an-trano

5. 20 Martsa 2019

   Nampangaina ho mpanao heloka bevava i Sergey Agadzhanov, Galina Dergacheva, Inna, Irina, Lyubov, Mikhail, Oksana, ary Viktor. Tsy navela nanao dia lavitra izy rehetra ireo

6. 27 Martsa 2019

   Tsy nambenana tao an-trano intsony i Ivan, Konstantin, Sergey Yerkin, ary Yevgeniy, fa tsy navela nanao dia lavitra

7. 1 Aprily 2019

   Natambatra ho raharaha iray ihany ireo fiampangana ireo

8. 2 Martsa 2021

   Tsy navela nanao dia lavitra i Galina Pechko

9. 5 Martsa 2021

   Nampangaina ho nanohana fikambanana iray mampidi-doza i Galina Pechko, ary natambatra ho raharaha iray ihany ny fiampangana azy sy ny an’ireo rahalahy sy anabavy 12

10. 25 Aprily 2022

    Nanomboka ny fitsarana azy ireo

Mampahery antsika ny mahita an’ireo rahalahy sy anabavy falifaly foana na dia ‘haratsiratsin’ny olona noho ny anaran’i Kristy [aza], satria ry zareo manana ny fanahin’Andriamanitra.’​—1 Petera 4:14.