20 APRILY 2022
ROSIA

VAOVAO FARANY | Falifaly Foana i Maksim Zavrazhnov

HANDEFA

Nomelohin’ny Fitsaram-paritr’i Moskovskiy any Nizhny Novgorod ny Rahalahy Maksim Zavrazhnov, tamin’ny 30 Mey 2022. Nomena sazy mihantona enin-taona izy fa tsy migadra.

Zava-nitranga

4 Jona 2019

Nanomboka nanadihady ny Rahalahy Zavrazhnov ny manam-pahefana
17 Jolay 2019

Nomelohina tamin’ny fomba ofisialy satria hoe nandamina asan’ny fikambanana mampidi-doza, hono. Nosamboriana izy dia nalaina am-bavany, ary voatazona tany indray alina
18 Jolay 2019

Noferana ny zavatra azony atao, ohatra hoe tsy navela nampiasa telefaonina na Internet. Tsy navela hivoaka ny trano koa izy teo anelanelan’ny tamin’ny 9 alina ka hatramin’ny 9 maraina
3 Febroary 2020

Tsy noferana intsony ny zavatra azony natao
26 Febroary 2020

Tsy navela hiala an’ilay faritra izy, na hanao dia lavitra
6 Desambra 2021

Nanomboka ny fitsarana azy

Ilay voampanga

Maksim Zavrazhnov

Teraka: 1981 (tany Nizhny Novgorod)

Mombamomba azy: Nianatra nitendry piano tany amin’ny sekoly fianarana mozika izy dia nahazo diplaoma. Teknisianina amin’ny fanorenana izy amin’izao. Nanambady an’i Nadezhda tamin’ny 2008

Nampianarin’ny mamany Baiboly izy tamin’ny mbola kely. Natao batisa dia lasa Vavolombelon’i Jehovah tamin’ny 2000

Resadresaka nifanaovana taminy

Inona no nanampy anao ho falifaly foana na dia ao anatin’izao zavatra mampiady saina be izao aza?

Tsapako hoe eo akaikiko eo i Jehovah isaky ny miatrika zava-tsarotra aho. Tena tsapako manampy an’ahy ny tanany mahery. Manohana ahy ilay Raiko, dia lasa tsy matahotra an’izay hitranga amin’ny hoavy aho amin’ny fotoana hoatran’ireny, sady lasa falifaly foana.

Inona no nianaranao momba an’i Jehovah nandritra an’izao fotoana mafy be izao?

Vao mainka aho izao resy lahatra hoe tena Ray tokoa i Jehovah. Tamin’ity no tena nahatsapako hoe mihaino an’ahy izy sady tena miahy ny fihetseham-poko, malala-tanana, mamindra fo, ary tena tia manampy. Mbola mahavariana an’ahy foana hoe azon’i Jehovah ampiasaina hampianarana antsika ny zavatra ratsy mitranga. Ohatra hoe hanampiana antsika hanana karazana toetra anankiray, na hanampiana antsika handinika hoe inona no mbola mila hatsaraina amintsika. Lasa nanampy an’ahy hifandray be tamin’i Jehovah àry izany sady nampitony ny foko.

Mbola mitohy izao ny fanenjehana ny rahalahy sy anabavintsika any Rosia sy Crimée, kanefa vao mainka isika lasa matoky an’i Jehovah hoe tsy hahafoy an’izay tsy mivadika aminy mihitsy izy.—Hebreo 13:5.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO