3 MEY 2023 | VAOVAO FARANY: 13 DESAMBRA 2023
ROSIA

VAOVAO FARANY: GADRAINA ILAY RAHALAHY | ‘Fantatr’i Jehovah Foana hoe Inona no Mahazo Ahy’

HANDEFA

Nomelohin’ny Fitsaram-paritr’i Kirovskiy any Kazan higadra enin-taona ny Rahalahy Aleksey Gerasimov, tamin’ny 7 Desambra 2023. Tonga izy dia naiditra am-ponja rehefa vita ny fitsarana azy.

Ilay voampanga

Aleksey Gerasimov

Teraka: 1980 (Ust-Kut, Faritr’i Irkoutsk)

Mombamomba azy: Mpamily no asany

Nanambady an’i Nataliya tamin’ny 2006

Resy lahatra hoe tena Kristianina ny Vavolombelon’i Jehovah rehefa nahita ny fifankatiavan-dry zareo. Natao batisa tamin’ny 2007 i Aleksey sy Nataliya

Resadresaka nifanaovana taminy

Inona no andinin-teny tena manampy anao amin’izao zava-tsarotra iainanao izao?

Kivy aho tamin’ny nosavana ny tranonay. Nanahy be mihitsy koa aho taloha kelin’ny niakarako fitsarana voalohany. Nisy rahalahy iray izay anefa nampahatsiahy ahy ny Isaia 49:15, 16, dia tena nampahery ahy ilay izy. Hoy i Jehovah ao amin’ilay andininy hoe: “Misy vehivavy manadino ny zanany mbola minono ve, na tsy mangoraka an’ilay zanany naterany? Na manadino aza ireny vehivavy ireny, dia izaho indray tsy mba hanadino anao mihitsy. Nosoratako teo amin’ny felatanako ny anaranao.” Nanome toky ahy ireo andininy ireo hoe fantatr’i Jehovah foana hoe aiza aho dia inona no mahazo ahy. Tsy hanary ahy mihitsy izy. Hitako amin’izao zavatra mahazo ahy izao hoe tena fialofana azo antoka marina i Jehovah.

Fantatsika fa tsy hanary ny mpanompony tsy mivadika mihitsy i Jehovah. Tsy mivadika izy, ary hanampy antsika hiaritra an’izay zava-tsarotra iainantsika, na inona izany na inona.—1 Korintianina 10:13.

Zava-nitranga

10 Febroary 2022

Nisokatra ny raharaham-pitsarana niampangana azy ho mpanao heloka bevava
18 Martsa 2022

Nosavana ny tranony dia natao famotorana izy
23 Septambra 2022

Tsy navela hanao dia lavitra
22 Febroary 2023

Nanomboka ny fitsarana

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO