1 SEPTAMBRA 2021 | VAOVAO FARANY: 25 OKTOBRA 2023
ROSIA
VAOVAO FARANY: GADRAINA ILAY RAHALAHY | Lasa Tsy Natahotra ny Rahalahy Aleksey Khabarov Satria Nivavaka sy Namaky ny Tenin’Andriamanitra
Nomelohin’ny Fitsaram-paritr’i Porkhovskiy any amin’ny Faritr’i Pskov higadra roa taona sy tapany ny Rahalahy Aleksey Khabarov, tamin’ny 20 Oktobra 2023. Taorian’ny fampakarana fitsarana nataon’ny mpampanoa lalàna no nivoaka io didy io. Fanintelony tamin’io ny Rahalahy Khabarov no niakatra fitsarana. Nampidirina am-ponja izy raha vao vita ilay fitsarana.
Nilaza ny Fitsaram-paritr’i Porkhovskiy any amin’ny Faritr’i Pskov, tamin’ny 27 Jona 2022, fa tsy meloka ny Rahalahy Aleksey Khabarov. Tsy voaheloka ho mpanao heloka bevava intsony izy.
Zava-nitranga
● Noraisin’ny Fitsaram-paritr’i Pskov, tamin’ny 26 Novambra 2021, ny fampakarana fitsarana nataon’i Aleksey. Naverina tany amin’ilay fitsarana niandraikitra an’ilay izy tamin’ny voalohany ilay raharaha, mba hotsarain’ny mpitsara hafa. Tsy migadra izy amin’izao
● 7 Septambra 2021
Nomelohin’ny Fitsaram-paritr’i Porkhovskiy any amin’ny Faritr’i Pskov i Aleksey, dia nomeny sazy mihantona telo taona
● 29 Oktobra 2020
Nampangaina hoe mpanao heloka bevava i Aleksey ary nanomboka notsaraina
● 28 Aogositra 2020
Nomelohina tamin’ny fomba ofisialy i Aleksey hoe mpanao heloka bevava satria “nandray anjara be tamin’ny fivoriana ara-pivavahana” niaraka tamin’ny mpiray finoana taminy. ‘Niresaka momba ny finoany sy namaky Baiboly’ anefa ry zareo tamin’izany, dia ‘nandinika hevitra avy tao amin’ny Soratra Masina, ary nihira hiram-pivavahana’
● 7 Febroary 2020
Natao famotorana fanindroany i Aleksey. Nandritra an’ilay famotorana no nahafantarana fa hay nohenoin’ny manam-pahefana sy nalain-dry zareo feo ny resaka nataony tamin’ny telefaoniny, tamin’ny 2018
● 31 Janoary 2020
Voaheloka hoe nanao heloka bevava i Aleksey
● 24 Mey 2019
Nanoratra tany amin’ny Ombudsman Mpiaro ny Zon’olombelona any amin’ny Faritr’i Pskov i Aleksey. Nohazavain’i Aleksey tao fa tsy mpanao heloka bevava izy fa mpivavaka manao ny marina. Namaly ny ombudsman dia niaiky hoe manan-jo hifidy sy hanaraka an’izay tiany hinoana i Aleksey
● 3 Aprily 2019
Nosavana ny tranon’i Aleksey, dia nalaina ny fananany sasany. Nataon’ny manam-pahefana famotorana izy
Ilay voampanga
Miara-miaiky tanteraka amin’i Aleksey isika hoe manampy ny mpanompony tsy mivadika foana i Jehovah mba ‘hanana herim-po’ ry zareo dia ‘hatanjaka ny fony.’—Salamo 27:14.
Mety ho Tianao Koa
VAOVAO
Gadraina Noho ny Finoany: Rosia
Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.