18 MEY 2022 | VAOVAO FARANY: 21 DESAMBRA 2022
ROSIA

VAOVAO FARANY: GADRAINA IREO RAHALAHY | Manampy An’ireo Rahalahintsika Hiaritra ny Fanantenana

HANDEFA

Nomelohin’ny Fitsaram-paritr’i Blagoveshchensk ao amin’ny Faritr’i Amour ny Rahalahy Sergey Afanasiyev, Sergey Kardakov, a Anton Olshevskiy, Adam Svarichevskiy, ary Sergey Yermilov. Migadra enin-taona sy dimy volana ny Rahalahy Afanasiyev, ary ny Rahalahy Kardakov indray enin-taona sy efa-bolana. Ny Rahalahy Olshevskiy, Svarichevskiy, ary Yermilov kosa migadra enin-taona sy telo volana. Tonga dia nentina tany am-ponja ry zareo rehefa vita ny fitsarana.

Zava-nitranga

20 Jolay 2018

Nataon’ny polisy savahao ny tranon’ny Rahalahy Afanasiyev sy Olshevskiy ary Svarichevskiy
21 Oktobra 2019

Nampangaina ho mpanao heloka bevava ny Rahalahy Yermilov sy Olshevskiy, satria nanao asa ara-pivavahana nolazain’ny manam-pahefana hoe “mampidi-doza ny fiaraha-monina”
10 Septambra 2020

Nampangaina ho mpanao heloka bevava ny Rahalahy Svarichevskiy, satria hoe nandray anjara tamin’ny zavatra fanaon’ny fikambanana raran’ny fanjakana, niaraka tamin’ny Rahalahy Olshevskiy sy Yermilov
18 Septambra 2020

Nampidirina ho anisan’ireo voampanga koa ny Rahalahy Afanasiyev
24 Septambra 2020

Natao savahao ny tranon’ny Rahalahy Kardakov. Nampidirina ho anisan’ireo voampanga koa izy, ary nampangaina hoe manohintohina ny filaminam-pirenena satria mamaky Baiboly sy mivavaka amin’i Jehovah Andriamanitra
12 Martsa 2021

Nampidirina ho anisan’ireo voampanga koa ny Rahalahy Olshevskiy, satria hoe nandamina fivoriana ara-pivavahana raran’ny fanjakana sady nandamina asa fitoriana
21 Oktobra 2021

Nanomboka ny fitsarana azy ireo

Ireo voampanga

Sergey Afanasiyev

Teraka: 1964 (Khoronkhoi, Repoblikan’i Bouriatie)

Mombamomba azy: Vao 10 taona dia efa kamboty ray. Mpanao trano no asany

Nanambady an’i Irina tamin’ny 1984. Manan-janaka telo. Nanomboka nianatra Baiboly izy mivady tamin’ny 1996. Niara-natao batisa izy ireo tamin’ny 1998, ka lasa Vavolombelon’i Jehovah

Resadresaka nifanaovana taminy

Inona no nampahery anao tao anatin’ireny fitsapana ireny?

Naverimberiko tao an-tsaina foana hoe tsisy antony tokony hatahorako mihitsy. I Jehovah, ilay ambony indrindra sy mahery indrindra eo amin’izao rehetra izao, tsinona no manohana ahy. Eo koa i Jesosy sy ny anjely tsy mivadika an-tapitrisany. Mandalo ihany ny fijaliana sy ny olana ary ny fanenjehana mahazo antsika amin’izao, fa ny fitahian’i Jehovah kosa maharitra mandrakizay!

Adam Svarichevskiy

Teraka: 1963 (Ivano-Frankivsk, Ukraine)

Mombamomba azy: Nianatra nitendry angorodao tamin’ny mbola kely. Nenjehina ny ray aman-dreniny tamin’ny andron’ny Sovietika, satria Vavolombelon’i Jehovah

Natao batisa tamin’ny 1982. Nigadra telo taona satria tsy nety nanao miaramila

Nanambady an’i Galina tamin’ny 1986. Manan-janaka roa lahy

Resadresaka nifanaovana taminy

Inona no nanampy anao ho tapa-kevitra ny tsy hanao miaramila tamin’ny mbola tanora, na dia mety hampigadra aza izany?

Nisaintsaina ny finoana sy herim-po nananan’ny dadako sy ireo rahalahy sy anabavy hafa tsy nivadika aho, dia lasa be herim-po koa. Fantatro fa tsy mety ny ‘mianatra miady’, dia tapa-kevitra aho hoe hanaraka an’izay toro lalana izay. (Isaia 2:4) Natahotra ihany aho, nefa ny hampahatezitra an’i Jehovah no tena natahorako.

Ahoana ny fihetseham-ponao amin’ilay hoe mety higadra fanindroany indray?

Raha migadra aho, dia ny handraisako azy hoe tena matoky ahy i Jehovah matoa izay no mitranga. Manana tombontsoa be koa aho satria ho afaka hampiseho hoe manohana ny zony hitondra.

Inona no mandrisika anao tsy hilavo lefona?

Fantatro hoe mandalo ihany ireny fitsapana ireny ary tsy maintsy hifarana. Fantatro koa hoe efa ao ambadika ao ny zavatra tsara be miandry antsika. Dia tena tiako raha mba eo aho rehefa hanova ny tany manontolo ho paradisa i Jehovah.

Tena ohatra tsara ho antsika ireo rahalahy ireo satria tsy mampifantoka ny masony amin’ny fanenjehana, izay mihelina ihany, fa amin’ilay valisoa maharitra mandrakizay, izay miandry an’ireo matoky an’i Jehovah.—2 Korintianina 4:17, 18.

a b Tsy nahazo ny sarin’ny Rahalahy Sergey Kardakov izahay, sady tsy afaka niresaka taminy sy tamin’ny Rahalahy Anton Olshevskiy.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO