24 NOVAMBRA 2021
ROSIA

VAOVAO FARANY | Mampahery ny Rahalahy Andrey Kolesnichenko ny Fandinihana ny Zavaboary

HANDEFA

Novan’ny Fitsaram-paritr’i Tomsk ho sazy mihantona efa-taona ilay sazy mihatra efa-taona nomena ny Rahalahy Andrey Kolesnichenko, tamin’ny 30 Jona 2022. Nafahana avy hatrany izy.

Nomelohin’ny Fitsaran’i Severskiy, any amin’ny Faritr’i Tomsk, higadra efa-taona i Andrey, tamin’ny 19 Janoary 2022.

Zava-nitranga

7 Jolay 2021

Nanomboka ny fitsarana
21 Mey 2021

Nampangaina ho nanao heloka bevava satria nandray anjara tamin’ny fivorian’ny Vavolombelon’i Jehovah
25 Martsa 2021

Nanomboka ny fitsarana an’i Andrey
14 Jolay 2020

Nanao bemidina tany amin’ny tranona Vavolombelon’i Jehovah enina tany Seversk ny polisin’ny FSB, ary anisan’izany ny tranon-dry Kolesnichenko

Ilay voampanga

Andrey Kolesnichenko

Teraka: 1970 (tany Seversk)

Mombamomba azy: Tia nanao sary tamin’ny mbola kely. Mpandrafitra miaraka amin’ny rahalahiny. Nanambady an’i Oksana tamin’ny 1998

Natao batisa dia lasa Vavolombelon’i Jehovah tamin’ny 2001

Resadresaka nifanaovana taminy

Inona no manampy anao rehefa kivy ianao indraindray?

Rehefa mitady ho kivy izahay mivady, dia mivavaka amin’i Jehovah mba ho faly kokoa. Tsapanay hoe mivaly amin’ny fomba miavaka ireny vavaka ataonay ireny. Mampahery anay amin’ny alalan’ny zavaboariny, ohatra, i Jehovah, indrindra fa amin’ny alalan’ny vorona. Mandehandeha any anaty alana kesika tsy lavitra eto koa izahay, dia mahita ny zavaboary nataon’i Jehovah. Tena variana izahay mandinika azy ireny ary mampahery anay ilay izy.

Inona ny andinin-teny nampahery anao?

Tena nanampy be ahy ny voalazan’ny Lioka 21:12, 13 sy ny Filipianina 1:12-14. Faly aho satria afaka nanararaotra nitory aho noho ny zavatra mitranga amiko amin’izao. Mampahatsiahy ahy koa ireo andinin-teny ireo hoe mampahery ny hafa ny zavatra hataoko.

Miantehitra amin’i Jehovah foana ireo rahalahy sy anabavy malalantsika any Rosia. Feno toky isika ‘mitory ny tenin’Andriamanitra sady tsy matahotahotra mihitsy’ rehefa misaintsaina momba azy ireny.—Filipianina 1:12-14.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO