7 JANOARY 2022
ROSIA

VAOVAO FARANY | Miakatra Fitsarana ny Rahalahy Vladimir Chesnokov sy Vladimir Dutkin ary Valeriy Yakovlev Satria Mino An’Andriamanitra

HANDEFA

Nolavin’ny Fitsarana Tampony any amin’ny Repoblikan’i Tchouvache ny fampakarana fitsarana nataon’ny Rahalahy Vladimir Chesnokov sy Vladimir Dutkin ary Valeriy Yakovlev, tamin’ny 13 Aprily 2022. Nasaina nandoa ny onitra notakina taminy izy ireo.

Nomelohin’ny Fitsaram-paritr’i Kalininskiy any Cheboksary ny Rahalahy Vladimir Chesnokov sy Vladimir Dutkin ary Valeriy Yakovlev, tamin’ny 10 Febroary 2022. Nasaina nandoa onitra 500 000 roubles (25 517 000 Ariary eo ho eo) ny Rahalahy Dutkin, dia ny Rahalahy Chesnokov sy Yakovlev indray samy nasaina nandoa onitra 400 000 roubles avy (20 413 600 Ariary eo ho eo). Tsy migadra izy ireo.

Zava-nitranga

7 Jona 2021

Nampidirina ho anisan’ny mpanao heloka bevava i Vladimir Chesnokov sy Valeriy Yakovlev
30 Desambra 2020

Nomelohina hoe mpanao heloka bevava i Vladimir Dutkin dia tsy navela nanao dia lavitra
25 Novambra 2020

Nampangaina ho mpanao heloka bevava i Vladimir Dutkin, dia natao savahao ny tranony. Nentina mba hatao famotorana koa izy

Ilay voampanga

Vladimir Chesnokov

Teraka: 1959 (tany Bakhmutovo, Repoblikan’i Tchouvache)

Mombamomba azy: Nahazo diplaoma tany amin’ny sekoly miaramila dia nivoaka manamboninahitra. Roa lahy ny zanak’izy sy Nina vadiny

Tamin’izy mbola niasa tany amin’ny tafika no nahafantatra ny fampanantenan’ny Baiboly hoe “hanefy ny sabany ho angadinomby” ny olona, “ary ny lefony ho antsy fandrantsanam-boaloboka.” (Isaia 2:4) Niala tamin’ny tafika izy, ary natao batisa tamin’ny 1993

Resadresaka nifanaovana taminy

Ahoana no nanampian’ny mpiara-manompo anao manokana?

Tena nanampy be anay ny rahalahy sy anabavy. ... Ry zareo mihitsy no nijery hoe hoatran’ny ahoana ny vola ilainay raha sendra giazan’ny banky ny karta fakanay vola. Nisy vokany be tamin’ny vadiko mbola tsy Vavolombelona izany. Efa manomboka hitany izao hoe tena tsara ny manaraka an’izay lazain’ny Baiboly. Lasa mandray kokoa ny fahamarinana izao izy, dia tsy manao hoatran’ny taloha intsony fa mamela an’ahy hanompo an’i Jehovah tsara.

Vladimir Dutkin

Teraka: 1963 (tany Novoaltaysk, Faritanin’i Altaï)

Mombamomba azy: Manao karazana spaoro no fialam-boliny hatramin’ny mbola kely, anisan’izany ny voley, baolina kitra, ary hockey. Miasa amin’ny orinasa mpanao fiantohana

Nianatra ny faminanian’ny Baiboly izy dia izay no nandresy lahatra azy hoe tena i Jehovah Andriamanitra tokoa no nahatonga an’ireny ho tanteraka. Natao batisa tamin’ny 2002 izy

Resadresaka nifanaovana taminy

Inona no manampy anao amin’izao fotoan-tsarotra izao?

Rehefa avy natao savahao ny tranonay, dia nivavaka aho mba ho falifaly sy hanam-pahendrena. Noeritreretiko koa nandritra an’ireny fotoana ireny hoe nahoana no manamasina ny anaran’i Jehovah ny fitondran-tena tsara ananako. ... Mbola mampahery an’ahy foana ny mieritreritra an’izany.

[Tena tiako be koa ny] mitantara amin’ny rahalahy sy anabavy ny fomba itahian’i Jehovah ahy. Tena manatanjaka ny finoan-dry zareo izany . . . Be dia be ry zareo no niteny hoe tsy dia matahotra intsony rehefa mahita ny ataoko, dia mahafinaritra erỳ ny maheno an’izany.

Tena manampy ny rahalahy sy anabavintsika hiatrika ny olana mahazo azy isan’andro ny mamaky sy misaintsaina ny Tenin’Andriamanitra. Lasa tsapan’izy ireo koa fa tena ao amin’ny ‘trano fialofan’i Jehovah’ tokoa izy ireo ‘amin’ny andro iavian’ny loza.’—Salamo 27:5.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO