31 JANOARY 2022 | VAOVAO FARANY: 27 MARTSA 2023
ROSIA

VAOVAO FARANY: NAHENA NY SAZINY | Mahazo Hery sy Fampiononana avy Amin’i Jehovah ny Ranabavy Lyudmila Salikova

HANDEFA

Nampakatra fitsarana fanindroany ny Ranabavy Lyudmila Salikova, ary navoakan’ny Fitsaram-paritr’i Tcheliabinsk ny didy momba an’ilay izy, tamin’ny 23 Martsa 2023. Nahazo sazy mihantona enin-taona izy teo aloha fa nahenan’ny fitsarana roa taona sy tapany ilay izy. Mbola tsy nampidirina am-ponja aloha izy izao.

Nolavin’ny Fitsaram-paritr’i Tcheliabinsk ny fampakarana fitsarana nataon’i Lyudmila, tamin’ny 17 Martsa 2022.

Nomelohin’ny fitsaran’i Snejinsk, any amin’ny faritr’i Tcheliabinsk, ny Ranabavy Lyudmila Salikova, tamin’ny 10 Janoary 2022. Sazy mihantona enin-taona no azony.

Zava-nitranga

Novambra 2020

Nataon’ny polisy savahao ny tranon’ny fianakaviana Vavolombelon’i Jehovah efatra, ary anisan’izany ny tranon’i Lyudmila. Natao savahao koa ny toeram-piasany, ary noterena hiala tamin’ny asany izy taorian’izay
26 Aogositra 2021

Nampangaina ho nandamina fotoam-pivavahana ho an’ny fikambanana raran’ny fanjakana i Lyudmila, ary koa hoe nanafatra boky sy gazety voararan’ny fanjakana
8 Desambra 2021

Nanomboka ny fitsarana azy

Ilay voampanga

Lyudmila Salikova

Teraka: 1951 (Syssert)

Mombamomba azy: Nanambady tamin’ny 1971, ary niteraka telo lahy. Maty ny vadiny tamin’ny 2009. Injenieran’ny angovo tao amin’ny tanànan’i Snejinsk no asany. Tia manao dia lavitra

Nanomboka nianatra Baiboly ny zokiny vavy tamin’ny 1999. Nianatra Baiboly koa izy, enim-bolana tatỳ aoriana. Nahazo fanazavana mahafa-po momba ny hoe inona no antony namoronana antsika, ary maninona no be dia be ny tsy rariny sy ny herisetra ary ny ady. Natao batisa tamin’ny 2002

Resadresaka nifanaovana taminy

Nahoana no nanampy anao hifandray akaiky kokoa tamin’i Jehovah ny fitsapana nahazo anao?

Nitaky be loatra tamin’ny tenako aho matetika, talohan’ilay izaho nenjehina. Nieritreritra koa aho hoe tsy misy dikany amin’i Jehovah mihitsy ... Niova anefa izany amin’izao, dia lasa mora kokoa amiko ny mandresy lahatra ny tenako hoe tsy marina izany. Tsapako koa hoe tia sy matoky ahy i Jehovah, satria nomeny tombontsoa hanamasina ny anarany aho, tamin’ilay izaho niakatra fitsarana teto Snejinsk. Isaky ny misy zavatra avelan’i Jehovah hitranga, dia hararaotiko hampisehoana iny hoe azony itokisana aho.

Inona ny zavatra nataon’ireo rahalahy sy anabavy ka nanampy anao hiaritra?

Natahotra be aho tamin’ilay vao hiakatra fitsarana voalohany ... Nivavaka aho hoe: “... Miangavy aho Jehovah a, mba omeo ny fanahinao masina re aho e!” Nisy rahavavy nandefa hafatra an-telefaonina tamiko avy eo, kelikely taorian’izay. Izao no nosoratany tao: “... Hoatran’ny masinina fanasana lamba ny fitsapam-pinoana mahazo antsika. ‘Ahodinkodiny’ isika, dia ‘kobaniny’, dia ‘fihazany.’ Lasa madio kokoa sy tsara kokoa noho ny teo aloha anefa isika avy eo. Hoatran’ny hoe ‘nahodinkodina sy nofihazana’ ianao rehefa tratran’ny fisavana sy fanadihadiana. Vao mainka anefa nahatonga anao ho sarobidy kokoa amin’i Jehovah sy aminay ireny olana sy zavatra nampitebiteby ireny ... Marina hoe hiakatra fitsarana ianao rahampitso maraina, fa ho hitanao eo koa hoe tia sy miaro anao foana i Jehovah.” Tsapako hoe fantatr’i Jehovah ny nahazo ahy, dia nampiasa an’ilay rahavavy izy mba hampisehoany hoe tiany be aho.

Mahazo hery sy fampiononana avy amin’i Jehovah foana ireo rahalahy sy anabavintsika any Rosia. Tena tia antsika izy, ary mampanantena fa “hanome rariny ho an’ny kamboty ray sy izay ampijalina ... mba tsy hampatahotra azy ireo intsony ny olombelona mety maty, dia ny olona etỳ an-tany.”—Salamo 10:18.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO