13 AOGOSITRA 2021 | VAOVAO FARANY: 6 MARTSA 2023
ROSIA

VAOVAO FARANY: NAHENA NY SAZINY | Tony sy Natoky An’i Jehovah Foana ny Rahalahy Baranov sy Li

HANDEFA

Nahenan’ny fitsarana any amin’ny Faritanin’i Khabarovsk ho sazy mihantona efa-taona sy tapany ny sazin’ny Rahalahy Yegor Baranov, tamin’ny 1 Martsa 2023. Mbola tsy migadra izy izao.

Nomelohin’ny Fitsaram-paritr’i Vyazemskiy any amin’ny Faritanin’i Khabarovsk i Yegor, tamin’ny 6 Jona 2022. Sazy mihantona dimy taona no azony. Mampalahelo fa maty talohan’ny nivoahan’ilay didim-pitsarana ny Rahalahy Yen Sen Li.

Zava-nitranga

2 Febroary 2021

Nanomboka nodinihina teny amin’ny fitsarana ny raharaha mahakasika an’i Yegor sy Yen Sen
20 Novambra 2020

Nafahana i Yegor rehefa avy notanana am-ponja vonjimaika mandritra ny 177 andro
26 Aogositra 2020

Nalain’ny Fitsaram-paritra any Khabarovsk ny fiaran’i Yen Sen
29 Mey 2020

Notanana am-ponja vonjimaika i Yegor
26 Mey 2020

Nomelohin’ny manam-pahefana ao amin’ny Faritr’i Khabarovsk i Yegor sy Yen Sen hoe mpanao heloka bevava

Ilay voampanga

Yegor Baranov

Teraka: 2001 (tany Olovyannaya, Faritr’i Trans-Baikal)

Mombamomba azy: Manana zoky lahy roa. Maty ny dadany tamin’ny 2013. Tia zavaboary sy biby. Nianatra momba ny fambolena sy fikarakarana ala alohan’ny nanagadrana azy

Notezain’ny mamany izy. Vavolombelon’i Jehovah ny mamany. Lasa be fanantenana rehefa fantany hoe ho hitany indray ny dadany rehefa hatsangana ny maty. Natao batisa tamin’ny 2017 ary lasa Vavolombelon’i Jehovah. Tia milalao piano, manoratra tononkalo ary mahandro

Resadresaka nifanaovana taminy

Nahatonga anao hifandray tsara amin’i Jehovah ve izao zavatra iainanao izao?

Hitako tamin’iny fitsarana iny fa na mafy be hoatran’ny inona aza ny zavatra iainantsika, dia hitan’i Jehovah ny fihetseham-pontsika ary manao zavatra ho antsika tsirairay mihitsy izy. Nahafaly ahy izany. Tonga saina koa aho hoe raha vao manomboka misalasala kely fotsiny aho dia tsy tena matoky aho izany hoe Andriamanitra hendry izy. Fantany tsara foana izay zavatra tokony hatao, ary manao zavatra tena tsy ampoizina izy matetika. Notsapaina ny fatokisako azy tamin’izaho tany am-ponja. Vao mainka anefa aho nihanatoky azy.

Yen Sen Li

Teraka: 1952 (tany Nikolaïevsk-sur-l’Amour, Faritr’i Khabarovsk)

Mombamomba azy: Dimy ry zareo, dia izy no fahatelo. Injeniera amin’ny resaka elektrisite no asany. Nanambady an’i Olga tamin’ny 1991. Manan-janaka lahy tokana ry zareo. Lasa liana tamin’ny Baiboly izy sy ny vadiny rehefa fantatry ry zareo hoe miresaka momba ny hoavin’ny olombelona izy io. Natao batisa tamin’ny 1994. Tia milalao échecs, ary tia mandehandeha

Resadresaka nifanaovana taminy

Inona no nangatahinao tamin’i Jehovah tamin’ny vavaka tamin’ireny fotoana ireny?

Niangavy an’i Jehovah aho mba hanatanjaka an’ahy sy ny vadiko, ary hanampy anay mba ho tony. ... Lasa tony tokoa aho nandritra ny famotorana, ka vao mainka resy lahatra izany hoe tsy handao an’ahy izany mihitsy i Jehovah.

Tratran’ny aretim-po ny vadiko dia niditra hopitaly. Nitalaho tamin’i Jehovah aho ... mba hahazo fitsaboana tsara izy. Nihaino ny vavaka nataoko i Jehovah. Nazava be hoe nampiasa ny mpiara-manompo izy mba hanohanana an’ahy sy ny vadiko. Teo foana ry zareo. Nikarakara izay nilainay ry zareo, fa ny tena zava-dehibe dia nanampy anay ho akaiky an’i Jehovah ry zareo.

Soa ihany fa teo ny namana dia teo koa i Jehovah, dia natanjaka foana ny finoan’ny vadiko. ... Afaka nampahery olon-kafa mihitsy aza izy. Izany no nahitako hoe tsy nandao ny vadiko i Jehovah.

Mendri-piderana ireo mpiara-manompo amintsika ireo fa matoky an’i Jehovah foana ry zareo. Matoky koa isika fa hanatanjaka azy ireo i Jehovah mba hahavita hiaritra izy ireo.—2 Tesalonianina 3:3.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO