14 JOLAY 2021 | VAOVAO FARANY: 2 DESAMBRA 2022
ROSIA

VAOVAO FARANY: NIVOAKA NY DIDIM-PITSARANA | Efa Niomana Mialoha Hiatrika Fanenjehana ny Rahalahy Telo dia Nahavita Tsy Nivadika

HANDEFA

Nomelohin’ny Fitsaram-paritr’i Ussuriyskiy, any amin’ny Faritanin’i Primorye, ny Rahalahy Anton Chermnykh sy Sergey Korolchuk ary Dmitriy Tishchenko, tamin’ny 30 Novambra 2022. Samy nomena sazy mihantona enin-taona izy ireo. Mbola tsy naiditra am-ponja aloha izy ireo izao.

Zava-nitranga

23 Septambra 2020

Nanomboka ny fitsarana an’i Anton sy Sergey ary Dmitriy
7 Jolay 2020

Nampangaina tamin’ny fomba ofisialy i Anton sy Sergey ary Dmitriy hoe sefon’ny fikambanana ara-pivavahana “mampidi-doza” sy voarara
18 Jona 2019

Notanana am-ponja vonjimaika roa andro i Sergey

Ireo voampanga

Anton Chermnykh

Teraka: 1987 (tany Magdebourg, any Alemaina)

Mombamomba azy: Manana rahalahy kambana aminy izy. Mbola kely izy dia nilaozan’ny dadany izy mianakavy kely. Nahavita fianarana izy tatỳ aoriana dia lasa injeniera mpamorona programana ordinatera

Ny mamany no nampianatra Baiboly azy. Faly izy nahafantatra ny antony namoronana antsika, satria mazava tsara ny fomba iresahan’ny Baiboly momba an’izany. Natao batisa ka lasa Vavolombelon’i Jehovah tamin’ny 2004. Nanambady an’i Yekaterina tamin’ny 2013. Manan-janakavavy atao hoe Milana ry zareo

Resadresaka nifanaovana taminy

Ahoana no nataonao mba hiomanana ho amin’ny fanenjehana?

Nieritreritra momba an’ilay izy foana aho. Dia noeritreretiko daholo izay mety hitranga amiko sy amin’ny fianakaviako. Niezaka nianatra samirery foana koa aho rehefa tonga ny fotoana natokako ho amin’izany. Vao nisy mpiara-manompo nosamborina tatỳ Rosia dia hozy aho hoe mety hogadraina koa aho izany, ary tsy hanana Baiboly na boky ary gazety aho any.

Sergey Korolchuk

Teraka: 1967 (tany Vladivostok, Faritanin’i Primorye)

Mombamomba azy: Niofana tao amin’ny tafika, dia lasa polisy tao amin’ny Fikambanana Fiarovam-pirenena (KGB). Niasa tao amin’ny orinasa iray mpanao fanaka izy, tatỳ aoriana. Mpanadio no asany farany. Nanambady an’i Yelena tamin’ny 1989. Manan-janaka roa izy ireo

Tena nahaliana azy ny fanazavan’ny Baiboly momba ny zava-misy eran-tany, sy ny fampanantenan’ny Baiboly momba ny hoavy. Natao batisa dia lasa Vavolombelon’i Jehovah tamin’ny 1993

Resadresaka nifanaovana taminy

Inona no nianaranao nandritra an’izao zava-tsarotra izao, ka hanampy anao hiaritra fitsapam-pinoana indray amin’ny hoavy?

Hitako tsara hoe izao mihitsy ilay nolazain’i Kristy fa hitranga. Tsy misy antony tokony hampitebiteby be antsika. Mila tony foana aza isika dia miresaka amin’ny olon-kafa momba ny hoavy raha mbola azo atao, fa mila manaja olona sy mahay mandanjalanja tsara rehefa manao an’izany. Vonona aho na inona na inona didim-pitsarana havoakan’ny fitsarana eo. Vonona koa ny vady aman-janako.

Mbola mitohy izao ny fitsapana sy fanenjehana mahazo an’i Anton sy Sergey ary Dmitriy. Fantatsika anefa fa hotahin’i Jehovah ry zareo satria tsy mivadika.—Ohabolana 28:20.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO