26 AOGOSITRA 2021 | VAOVAO FARANY: 12 JANOARY 2024
ROSIA
VAOVAO FARANY: NOFOANANA NY FANAMELOHANA | Norahonana Higadra 15 Taona ny Raim-pianakaviana Iray Manan-janaka Roa, Noho ny Zavatra Inoany
Nofoanan’ny Fitsarana any amin’ny Faritra Mahaleo Tena any Khantys-Mansis – Iougra ny fanamelohana ny Rahalahy Andrey Sazonov, tamin’ny 11 Janoary 2024. Haverina tsaraina any amin’ny Fitsaran’i Ouraï, any amin’ny Faritra Mahaleo Tena any Khantys-Mansis – Iougra, indray izao ilay raharaha.
Zava-nitranga
Nomelohin’ny Fitsaran’i Ouraï, any amin’ny Faritra Mahaleo Tena any Khantys-Mansis – Iougra, ny Rahalahy Andrey Sazonov, tamin’ny 24 Desambra 2021, ka nasainy nandoa onitra 500 000 roubles (28 tapitrisa ariary eo ho eo). Mety higadra 15 taona izy. Diso fanantenana isika satria voaheloka ny rahalahintsika. Faly anefa isika hoe tsy voatery mankany am-ponja izy
22 Jona 2020
Nanomboka notsaraina i Andrey
22 Aogositra 2019
Tsy nambenana tao an-trano intsony, saingy nisy zavatra maromaro tsy navelan’ny fitsarana nataony, ohatra hoe manao dia lavitra
26 Febroary 2019
Nambenana tao an-trano
6 Febroary 2019
Notanan’ny polisy vonjimaika tany amin’ny trano iray. Nosavana ny toeram-piasany sy ny fiarany ny afakampitson’iny, dia avy eo izy nalefa tany amin’ny toby fitanana vonjimaika
31 Janoary 2019
Nampangaina hoe mpanao heloka bevava satria “nandamina sy nandray anjara tamin’ny asa fanaon’ny fikambanana mampidi-doza”
Ilay voampanga
Tena mahafaly antsika ny modely tsara homen’ireo rahalahy sy anabavy any Rosia ireo, amin’izao fanenjehana mbola mitohy izao. Matoky isika hoe mbola ‘hanome fahasahiana sy hanatanjaka’ an-dry zareo foana i Jehovah.—Salamo 138:3.
Mety ho Tianao Koa
VAOVAO
Gadraina Noho ny Finoany: Rosia
Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.