16 DESAMBRA 2022 | VAOVAO FARANY: 20 JONA 2023
ROSIA

VAOVAO FARANY: NOGADRAINA ILAY RAHALAHY | Faly na dia Mbola Miatrika Olana Aza

HANDEFA

Nomelohin’ny Fitsaram-paritr’i Tsentralnyi any Sochi ny Rahalahy Danil Suvorov, tamin’ny 20 Jona 2023, ary voasazy higadra enin-taona. Efa hatramin’ny 18 Aogositra 2021 i Danil no notanana am-ponja, ary mbola hitohy izany.

Ilay voampanga

Danil Suvorov a

Teraka: 1995 (Almetyevsk, Repoblikan’i Tatarstan)

Mombamomba azy: Mpivarotra tao amin’ny fivarotana fitaovana fiasana

Notezain’ny mamany tao amin’ny fahamarinana. Natao batisa tamin’ny 2011

Resadresaka nifanaovana tamin’ny Ranabavy Gulnara Suvorova, maman’i Danil b

Inona no manampy an’i Danil hiaritra amin’izao izy migadra izao?

Tsy afaka mamangy azy aho fa andefasany taratasy. Teneniny foana aho mba tsy hanahy momba azy, dia izy koa tsy mba mitaraina izany mihitsy. Omeny toky aza aho hoe mahatsapa ny tanan’i Jehovah izy sady tohanany. Mora hatonina kely i Danil sady malaza hoe mahay mihaino. Takany tsara ny mahazo ny hafa rehefa miatrika olana izy ireo. Nampahery be ahy ny nahafantatra hoe nataony faritany itoriana ny efitra figadrany. Matetika no misy olona vaovao azony itoriana foana satria miovaova ny olona miara-migadra aminy. Mamaky Baiboly sy manomana fivoriana koa izy, ary mbola ataony loha laharana foana ny zavatra ara-panahy.

Inona no ianaranao momba an’i Jehovah ao anatin’izao toe-javatra sarotra izao?

Na dia be dia be aza ny zava-dratsy hitan’i Jehovah eto an-tany dia mbola faly foana izy. Milaza ny 2 Tantara 16:9 hoe: “Fa ny mason’i Jehovah dia mijery eny rehetra eny manerana ny tany, satria izy te hampiasa ny heriny mba hanampiana an’izay manompo azy amin’ny fo manontolo.” Mazoto mitady fomba hanampiana ny mpanompony izany i Jehovah. Dia fantatro hoe tsy ho kivy mihitsy koa aho raha ohatra ka mazoto manao zavatra ara-panahy foana, sady variana manampy ny olona ao am-pivoriana sy eny amin’ny faritany.

Mampahery ny mahafantatra hoe raha mazoto manao zavatra ara-panahy sy mifandray akaiky amin’i Jehovah isika, dia ho faly foana na inona na inona olana atrehintsika.—Salamo 16:11.

Zava-nitranga

13 Aogositra 2021

Voampanga hoe mpanao heloka bevava satria nisy olona nijoro vavolombelona niampanga azy. Mody niseho ho liana tamin’ny Baiboly io olona io nefa kay mpiara-miasa amin’ny manam-pahefana
18 Aogositra 2021

Nosavana ny tranony. Nosamborina ary notazonina tany amin’ny toerana iray
19 Aogositra 2021

Nalefa tany am-ponja vonjimaika
29 Aprily 2022

Nampangaina hoe nandamina asa ataon’ny fikambanana mampidi-doza, sady nandray anjara sy nitarika olona tamin’ilay izy
10 Jona 2022

Nanomboka notsaraina

a b Mbola notanana am-ponja vonjimaika ny Rahalahy Suvorov tamin’ny fotoana nanomanana an’ity lahatsoratra ity, ka tsy afaka niresadresaka taminy izahay.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO