18 MEY 2022 | VAOVAO FARANY: 12 MARTSA 2024
ROSIA

VAOVAO FARANY: NOGADRAINA ILAY RAHALAHY | Feno Herim-po i Inver Siyukhov

HANDEFA

Nomelohin’ny Fitsaram-paritr’i Maykop, any amin’ny Repoblikan’i Adygeya, higadra enin-taona ny Rahalahy Inver Siyukhov, tamin’ny 7 Martsa 2024. Efa notanana am-ponja vonjimaika izy nanomboka tamin’ny Aprily 2021, dia mbola higadra ihany.

Zava-nitranga

15 Aprily 2021

Voaheloka satria nandamina fivoriana tamin’ny fitaovana fanaovana vidéoconférence
16 Aprily 2021

Nosavana ny tranon’i Inver. Nosavana koa ny tranona Vavolombelona efatra hafa. Nofotopotorana izy dia notazonin’ny polisy
17 Aprily 2021

Nalefa tany am-ponja vonjimaika
15 Aogositra 2021

Nafindra tany amin’ny toby fitanana voara-maso be, any amin’ny 110 kilaometatra miala avy eo Maykop
13 Septambra 2021

Nanomboka ny fitsarana azy

Ilay voampanga

Inver Siyukhov

Teraka:1974 (tany Maykop)

Mombamomba azy: Nianatra mba ho lasa mpanao kaonty sy mpanamarina vola. Niasa tamin’ny banky izy, ka mpandray ny vola miditra sy mivoaka ary mpanao kaonty no asany

Nanomboka nianatra Baiboly tamin’ny Vavolombelon’i Jehovah tamin’ny 1989. Nahavariana azy ilay ry zareo manao ny marina. Natao batisa tamin’ny 9 Septambra 1990. Nitory tamin’ny zokiny vavy, dia natao batisa ilay zokiny tamin’ny 1992. Ilay anabaviny sy ny vadin’izy io ihany no Vavolombelona amin’ny havany rehetra

Resadresaka nifanaovana tamin’i Zarieta Churda a, anabavin’i Inver

Inona no tena manampy an’i Inver hiaritra mandritra an’ilay izy any am-ponja?

Nanontany azy aho tamin’izahay nihaona voalohany tany am-ponja hoe inona no tsapany amin’ilay izy tafasaraka amin’ny namany sy ny fianakaviany. Miramirana erỳ izy niteny hoe nanomboka tamin’ilay fotoana nisavana ny tranony, dia hoatran’ny hoe nofenoin’i Jehovah herim-po izy, hoatran’ireny balaonina nofenoina rivotra ireny.

Manana fahazarana tsara ara-panahy koa izy satria mamaky toko efatra ao amin’ny Baiboly isan’andro, izany hoe toko telo ao amin’ny Soratra Hebreo dia toko iray ao amin’ny Soratra Grika. Miezaka manampy ny mpiara-migadra aminy koa izy rehefa mila fanampiana ry zareo. Nanampy gadra roa hiala tamin’ny sigara, ohatra, izy nandritra ny roa volana voalohany nijanonany tany.

Inona ny fiomanana ataonareo mivady, satria ianareo koa izao mety ho voasambotra?

Rehefa misy mpizaha tany mandeha mankany an-tany hafa, dia atao vaksiny aloha ry zareo mba ho voaro amin’ny aretina. Dia ny an’ahy indray an, ny andinin-teny ao amin’ny Baiboly sy ny hira ary izay tantara mampahery no hoatran’ny hoe vaksiniko. Vao nanomboka voarara ny asan’ny Vavolombelon’i Jehovah tatỳ Rosia, tamin’ny 2017, dia tonga aho dia namerina namaky Diary. Nojereko tao hoe ahoana ny fomba nanaovana ny asa fitoriana tany amin’ireny tany nisy fandrarana ireny. Nahaliana be an’ahy mihitsy ny nianatra ny nataon’ny mpiara-manompo mba hahafahan-dry zareo hanana finoana matanjaka sy hitory foana, na dia nampidi-doza aza izany.

Efa nivonona izahay hoe hiezaka tsy hitsetra tena raha sanatria koa voasambotra. Marina hoe olana ilay izy fa horaisinay hoe tombontsoa be, hoatran’ny fanendren’i Jehovah ho anay hoe: “Miampità mankatỳ Makedonia.”—Asan’ny Apostoly 16:9.

Matoky isika fa hiezaka foana ny mpiara-manompo amintsika any Rosia mba hanao “izay hahazoana hery avy amin’ny Tompo satria tena mahery izy.”—Efesianina 6:10.

a Mbola voatana am-ponja vonjimaika ny Rahalahy Siyukhov, dia tsy nisy niresadresahana taminy.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO