24 NOVAMBRA 2022 | VAOVAO FARANY: 21 AOGOSITRA 2023
ROSIA
VAOVAO FARANY: NOGADRAINA ILAY RAHALAHY | Hiezaka Mafy Hanompo An’i Jehovah Foana Izy na dia Enjehina Aza
Novan’ny Fitsaram-paritr’i Altai ho sazy mihatra telo taona, tamin’ny 18 Aogositra 2023 teo, ilay sazy mihantona nomena an’ny Rahalahy Pavel Kazadaev. Nampidirina am-ponja avy hatrany izy taorian’ny fitsarana azy.
Nomen’ny Fitsaram-paritr’i Industrialny, any Barnaul, Faritanin’i Altaï, sazy mihantona telo taona ny Rahalahy Pavel Kazadaev, tamin’ny 29 Mey 2023. Tsy voatery ampidirina am-ponja izy amin’izao.
Ilay voampanga
Manatanjaka finoana ny mahita hoe be atao sy falifaly foana ny mpanompon’i Jehovah na dia enjehina aza.—Matio 5:11.
Zava-nitranga
11 Mey 2021
Nanomboka ilay raharaha
27 Mey 2021
Nanao bemidina tany amin’ny tranon-dry Pavel, tany Novokouznetsk, sy tany amin’ny tranon’ny havany tany amin’ny faritra hafa ny polisy. Be dia be mihitsy ny trano nanaovan’izy ireo bemidina, ka nantsoina hoe “Aramagedona” io hetsika nataon-dry zareo io. Nentina natao famotorana tany Barnaul i Pavel sy ny vadiny. Tanàna 350 kilaometatra avy eo amin’ny tranony ilay hoe Barnaul. Voaheloka ho mpanao heloka bevava izy, dia notanan’ny polisy vonjimaika, satria hoe nandray anjara tamin’ny asan’ny fikambanana mampidi-doza, hono
28 Mey 2021
Navoaka ny fonja fa tsy navela hiala ny faritra nisy azy
12 Aogositra 2022
Nanomboka ny fitsarana
Mety ho Tianao Koa
VAOVAO
Gadraina Noho ny Finoany: Rosia
Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.