21 SEPTAMBRA 2022 | VAOVAO FARANY: 2 JANOARY 2023
ROSIA

VAOVAO FARANY: NOGADRAINA ILAY RAHALAHY | Mahita Antony Be dia Be Ifaliana

HANDEFA

Nomelohin’ny Fitsaram-paritr’i Oktyabrskiy any Krasnoïarsk ny Rahalahy Aleksandr Filatov tamin’ny 28 Desambra 2022. Sazy higadra enin-taona no azony. Tonga dia notazonina any am-ponja izy.

Zava-nitranga

9 Jolay 2021

Nampangaina ho mpanao heloka bevava i Aleksandr, satria hoe nikarakara ny zavatra ataon’ny fikambanana voararan’ny fanjakana
11 Jolay 2021

Nosavana ny tranony
13 Jolay 2021

Nosamborina ary nentina tany amin’ny Minisiteran’ny Atitany
15 Jolay 2021

Notanana am-ponja vonjimaika
20 Janoary 2022

Nanomboka ny fitsarana azy

Ilay voampanga

Aleksandr Filatov

Teraka: 1984 (Sharypovo, Faritanin’i Krasnoïarsk)

Mombamomba azy: Injeniera sy elektrisianina

Ny mamany no nampianatra azy ny fahamarinana. Lasa Vavolombelon’i Jehovah vita batisa tamin’ny 1994

Nanambady an’i Yelena tamin’ny 2007. Manan-janaka roa lahy

Resadresaka nifanaovana tamin’i Yelena, vadin’i Aleksandr a

Inona no manampy an’i Aleksandr hiaritra amin’izao izy any am-ponja izao?

Manana kahie fanoratany an’izay fitahiana azony i Aleksandr. Soratany ao daholo izay antony azony ifaliana. Rehefa misy olana mitranga, dia ezahiny tadiavina ny lafiny tsara amin’ilay izy. Niteny koa izy hoe manampy azy tsy ho kivy ny famakiana Baiboly sy ny vavaka.

Manao izay vitako koa aho amin’ny fanohanana an’i Aleksandr. Rehefa hanoratra ho an’azy aho, dia eritreretiko aloha izay zavatra mety hampahery azy. Mety hoe hevitra hitako tamin’ny andinin-teny iray novakiko ilay izy, na teny mampahery nolazain’ny mpiara-manompo tamiko.

Tsy mivadika mihitsy i Aleksandr, ka hita avy amin’izany hoe tahin’i Jehovah izay “falifaly sy ravoravo” manompo azy.—Deoteronomia 28:47.

a Mbola notanana am-ponja vonjimaika ny Rahalahy Filatov tamin’ny nomanina ity lahatsoratra ity, ka tsy nisy fahafahana hiresaka taminy.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO