28 JOLAY 2022
ROSIA

VAOVAO FARANY: NOGADRAINA ILAY RAHALAHY | Mana-namana Be dia Be Azo Ianteherana

HANDEFA

Namoaka didy manameloka an’ny Rahalahy Aleksandr Seredkin ny Fitsaram-paritr’i Oktyabrskiy, any Novossibirsk, tamin’ny 15 Novambra 2022. Voasazy higadra enin-taona izy ary tonga dia mihatra ilay izy.

Zava-nitranga

19 Aprily 2019

Voaheloka ho mpanao heloka bevava
21 Aprily 2019

Nambenana an-trano
8 Mey 2019

Natao tao amin’ny lisitry ny olona “mpampihorohoro”
2 Martsa 2022

Nanomboka notsaraina satria hoe nanao heloka bevava

Ilay voampanga

Aleksandr Seredkin

Teraka: 1954 (tany Verkhniy Naymangut, any amin’ny Faritr’i Irkoutsk)

Mombamomba azy: Nianatra tany amin’ny sekoly teknika ary lasa mpitondra traktera no asany

Nanambady an’i Svetlana tamin’ny 1983

Nanomboka nianatra tamin’ny Vavolombelon’i Jehovah i Svetlana. Rehefa noresahin’i Svetlana tamin’i Aleksandr ny faminaniana nianarany tao amin’ny bokin’ny Apokalypsy, dia nangataka hianatra Baiboly koa izy. Natao batisa tamin’ny 1995 izy mivady

Resadresaka nifanaovana taminy

Ahoana no nahitanao hoe tena nanampy anao i Jehovah?

Nomen’i Jehovah namana be dia be azo ianteherana aho. Mampahery ahy ny mieritreritra ny fomba nanohanan-dry zareo an’ahy sy ny fianakaviako. Tonga dia mazava be hoe i Jehovah no nampiasa an-dry zareo mba hampahery anay. Mampahery sy manome fanampiana mivaingana ny rahalahy sy anabavy na dia mety hampidi-doza an-dry zareo aza izany.

Faly isika hoe mbola ‘mifampahery sy mifanampy foana’ ny rahalahy sy anabavintsika, mba hanomezana voninahitra an’i Jehovah.—1 Tesalonianina 5:11.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO