8 NOVAMBRA 2022 | VAOVAO FARANY: 22 JANOARY 2024
ROSIA

VAOVAO FARANY: NOGADRAINA ILAY RAHALAHY | Vao Mainka Mahavita Miaritra Izy Satria Mivavaka sy Mamaky Baiboly Foana

HANDEFA

Nomelohin’ny Fitsaran’i Maykop, any amin’ny Repoblikan’i Adygeya, ny Rahalahy Nikolay Saparov tamin’ny 17 Janoary 2024. Voasazy higadra enin-taona izy. Efa notanana am-ponja vonjimaika izy nanomboka tamin’ny Martsa 2022, ary mbola hijanona any.

Zava-nitranga

22 Martsa 2022

Nampangaina ho mpanao heloka bevava
23 Martsa 2022

Nosamborina i Nikolay tamin’izy tany amin’ny seranam-piaramanidina niaraka tamin’ny vady aman-janany. Nadinadinin’ny manam-pahefana izy, dia avy eo nampangaina hoe mandamina ny asan’ny fikambanana mampidi-doza. Nalefa tany amin’ny toby fitanana tsy maharitra izy. Nosavana ny tranony tatỳ aoriana
24 Martsa 2022

Nafindra tany amin’ny fonja vonjimaika i Nikolay
19 Mey 2022

Nanomboka ny fitsarana

Ilay voampanga

Nikolay Saparov

Teraka: 1981 (Saint-Pétersbourg, Faritanin’i Leningrad)

Mombamomba azy: Tompon’andraikitra tao amin’ny orinasa iray momba ny varotra no asany

Natao batisa ka lasa Vavolombelon’i Jehovah tamin’ny 1997. Nanambady an’i Nataliya tamin’ny 2004. Manan-janaka vavitokana ry zareo

Resadresaka nifanaovana tamin’i Nataliya, vadin’i Nikolay a

Inona no manampy an’i Nikolay hiaritra amin’izao izy tanana am-ponja vonjimaika izao?

Indroa i Nikolay no nahavita namaky ny Baiboly iray manontolo tao anatin’ny telo volana. Matanja-tsaina be mihitsy izy. Mivavaka be koa izy, dia niteny hoe vao mainka hono izy izao mifandray be amin’i Jehovah. Tsy mbola naharay ny taratasinay i Nikolay kanefa ny azy voarainay foana. Teneniny ao hoe tena tia be anay izy sady miahy anay! Zarainy aminay koa ny zavatra nosaintsaininy, sy ny fomba nanampian’i Jehovah azy.

Ary inona no manampy anao hiaritra?

Vao indray mandeha fotsiny izahay no navela nitsidika azy, hatramin’izay izy nogadraina izay. Mafy be mihitsy ilay misaraka. Mitomany foana aho isa-maraina, satria haiko hoe mbola tsy ho eo koa izao ny vady malalako amin’iny andro iny. Mivavaka àry aloha aho, dia tsy mijanona raha tsy efa maivamaivana. Manokana adiny iray aho avy eo, fara fahakeliny, hamakiako Baiboly. Dia lasa tsapako be hoe eo akaikiko eo i Jehovah.

Mampahatsiahy antsika ny tantaran-dry Saparov hoe mihaino foana i Jehovah rehefa ‘miantso vonjy’ ny mpanompony tsy mivadika.—Salamo 119:147.

a Voatana am-ponja vonjimaika ny Rahalahy Saparov tamin’ny fotoana nanomanana an’ity lahatsoratra ity, ka tsy afaka niresaka taminy izahay.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO