4 MARTSA 2022
ROSIA

VAOVAO FARANY: NOLAVINA NY FAMPAKARANA FITSARANA | Nampahery ny Anabavy Lyudmila Shchekoldina ny Teny Nataon’ny Hafa

HANDEFA

Nolavin’ny fitsarana any amin’ny Faritanin’i Krasnodar ny fampakarana fitsarana nataon’ny Ranabavy Lyudmila Shchekoldina, tamin’ny 6 Oktobra 2022. Mbola migadra àry izy.

Namoaka didy momba ny Anabavy Lyudmila Shchekoldina ny Fitsaram-paritr’i Pavlovskiy, any amin’ny Faritr’i Krasnodar, tamin’ny 23 Mey 2022. Nilaza ny fitsarana fa meloka izy ary voasazy higadra efa-taona sy iray volana. Tonga dia mihatra io saziny io.

Zava-nitranga

23 Aprily 2020

Nampangaina ho mpanao heloka bevava izy satria niresaka momba ny Baiboly tamin’ny lehilahy iray. Tsy fantany hoe hay polisy miafina ilay lehilahy
29 Aprily 2020

Nataon’ny polisy savahao nandritra ny adiny sivy ny tranon’i Lyudmila ary nofotopotoran-dry zareo izy. Nampangain’ny manam-pahefana izy hoe mampiroborobo ny asa ataon’ny fikambanana anankiray mampidi-doza
21 Jona 2021

Nanomboka ny fitsarana azy

Ilay voampanga

Lyudmila Shchekoldina

Teraka: 1976 (tany Aleksandrovka, Faritr’i Krasnodar)

Mombamomba azy: Nianatra nitendry piano izy tamin’ny mbola kely. Lasa mpampianatra

Nanontany tena izy hoe mba misy dikany ve ny fiainana. Niady saina koa izy hoe fa maninona no be dia be ny tsy rariny. Nanomboka nianatra Baiboly niaraka tamin’ny Vavolombelon’i Jehovah izy, ary nahita valin’ny mahafa-po an’izay fanontaniana nampiady saina azy. Vita batisa tamin’ny 1995

Resadresaka nifanaovana taminy

Inona ny teny mampahery nolazain’ny olon-kafa taminao?

Nisy rahavavy maromaro nanamboatra video anankiray ho an’ahy, vao haingana. Hozy ny iray tamin-dry zareo tao hoe: “Rehefa mieritreritra momba anao aho, dia ilay ankizivavy israelita no tonga ato an-tsaiko. Hoatran’ny hoe ... ankizy malemilemy tsinona no fahitana azy, nefa tsy araka izay akory izy fa tena hoatran’ny miaramila tsy matahotahotra mihitsy. Tsy matahotahotra hoatran’azy koa no fahitako anao.”

Nandefa taratasy ho an’ahy koa ny mpiandraikitra ny faritra, dia nanome andinin-teny hosaintsainiko. Ny Salamo 68:28 ny iray tamin’ilay andinin-teny. Dia izao no nanazavany azy: “Mandalo zava-tsarotra ianao izao. Matoky anefa aho hoe tia an’i Jehovah ianao ary tsy te hivadika aminy, dia izany no hanampy anao hahery foana. ... Tena faly amin’ny mpanompony tsy mivadika i Jehovah.”

Tehiriziko ao amin’ny diariko ireny teny mampahery ireny dia vakiko matetika.

Matoky isika hoe hahery foana i Lyudmila sy ny mpiara-manompo tsy mivadika rehetra, na dia miatrika fitsapana aza, satria manampy azy ireo i Jehovah.—Salamo 68:28.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO