10 AOGOSITRA 2022
ROSIA

VAOVAO FARANY: NOMELOHINA ILAY RAHALAHY | Nahavita Niaritra sy Falifaly i Viktor Shayapov Satria Nahay Nankasitraka

HANDEFA

Nomelohin’ny Fitsaram-paritr’i Nikolskiy, any amin’ny Faritanin’i Penza, ny Rahalahy Viktor Shayapov, tamin’ny 7 Novambra 2022. Sazy mihantona roa taona no azony. Mbola tsy naiditra am-ponja aloha izy izao.

Zava-nitranga

19 Aogositra 2021

Nampangaina ho mpanao heloka bevava, satria hoe nandray anjara tamin’ny asa mampidi-doza, hono
5 Febroary 2022

Nosamborin’ny polisy. Nanaovana bemidina sy nosavana ny tranony tamin’iny andro iny. Notazonina dia nentina tany Penza, 740 kilaometatra miala ny tranony
6 Febroary 2022

Nalefa tany amin’ny toby fitanana vonjimaika
8 Febroary 2022

Navoaka tany amin’ny toby fitanana dia nambenana an-trano
28 Martsa 2022

Nanomboka ny fitsarana

Ilay voampanga

Viktor Shayapov

Teraka: 1989 (tany Kamenka, any amin’ny Faritr’i Moscou)

Mombamomba azy: Mpanamboatra fiara simba no asany. Tsy nety niasa tamin’ny tafika izy fa naleony nanao fanompoana sivily tamin’ny paositra

Nanambady an’i Yekaterina tamin’ny 2010

Efa nianatra Baiboly tamin’ny Vavolombelon’i Jehovah i Yekaterina tamin’izy sy Viktor niaraka. I Viktor indray efa nanontany tena hoe nahoana ny olona no mijaly, dia rehefa nahazo valiny nitombina tsara izy dia lasa nianatra Baiboly koa. Niara-natao batisa izy roa tamin’ny 2008

Resadresaka nifanaovana taminy

Inona no nanampy anao hanana toe-tsaina tsara foana rehefa niatrika an’ireny fotoan-tsarotra ireny?

Nianatra nijery ny fomba nanehoan’i Jehovah hatsaram-panahy tamin’ny zavatra mandinika aloha aho, ohatra hoe sakafo matsiro, vorona manidina eny amin’ny lanitra, na tsio-drivotra malefaka. Lasa nankasitraka azy foana aho avy eo satria izy tsara fanahy. Rehefa nanao an’izany aho dia lasa nifantoka tamin’ny lafin-tsaran-javatra sady tadidiko foana hoe tena tia ahy i Jehovah.

Vao haingana koa no nisy namako niatrika zavatra nitovy tamin’ny ahy, dia ny modely sy ny torohevitra nomeny no nanampy ahy hanana toe-tsaina tsara. Nampahatsiahy ahy izy hoe tsy tokony hahatsapa tena hoe diso mihitsy aho. Lasa resin’ny fahavalontsika mantsy isika raha matahotra.

Nanampy be ahy koa ilay zavatra resahin’ny Filipianina 1:29 hoe: “Nomena voninahitra mantsy ianareo, tsy hoe hino an’i Kristy fotsiny, fa hijaly noho ny aminy koa.” Nanampy ahy hiaritra io andininy io sady nanampy ahy hitadidy hoe manana tombontsoa be aho satria afaka mitory amin’izao fomba izao.

Faly isika satria tia sy tsara fanahy amintsika i Jehovah, dia manome antsika fiadanana mba hiambina ny fontsika sy ny saintsika rehefa miatrika fitsapana isika.—Filipianina 4:7.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO