18 NOVAMBRA 2021
ROSIA

VAOVAO FARANY | Nanampy ny Rahalahy Andrey Ledyaykin Hahery Foana ny Ninamana Tamin’i Jehovah sy ny Mpiara-manompo

HANDEFA

Nomelohin’ny fitsaran’i Seversk, any amin’ny faritr’i Tomsk, ny Rahalahy Andrey Ledyaykin tamin’ny 26 Aprily 2022, ary voaheloka higadra mandritra ny 26 volana. Naiditra am-ponja avy hatrany izy.

Zava-nitranga

12 Jolay 2021

Nanomboka ny fitsarana azy
30 Martsa 2021

Nampangaina ho anatin’ny fikambanana iray mampidi-doza
29 Martsa 2021

Voafetra ny toerana azony naleha
25 Martsa 2021

Nampangaina ho mpanao heloka bevava i Andrey. Voaroaka tamin’ny asany izy vokatr’izany
14 Jolay 2020

Nosamborin’ny Sampan-draharahan’ny Fiarovam-pirenena (FSB) sy polisy anankiroa tany am-piasanany i Andrey. Nosavan-dry zareo nandritra ny 12 ora ny tranony avy eo
Martsa-Aprily 2020

Mody liana tamin’ny Baiboly ny vehivavy iray, polisin’ny FSB, dia nalainy video an-tsokosoko ny resak’izy sy Andrey ary ny rahalahy sy anabavy hafa

Ilay voampanga

Andrey Ledyaykin

Teraka: 1988 (Seversk, any Tomsk)

Mombamomba azy: Tia manao ski, milalao eny amin’ny ranomandry, milomano, ary mandehandeha any anaty ala. Mpanao kaonty ny asany

Nieritreritra be momba ny fahafatesana sy Andriamanitra ary ny hoavy izy taorian’ny nahafatesan’ny dadabeny. Nanaiky hanatrika ny fivorian’ny Vavolombelon’i Jehovah izy rehefa nasain’ny namany, na dia tsy tena nazoto aza. Tonga dia nahavariana azy ny fitiavana tsapany rehefa tonga tany izy. Natao batisa izy tamin’ny 2013. Izy irery no Vavolombelon’i Jehovah ao amin’ny fianakaviany

Resadresaka nifanaovana taminy

Nahoana ny ninamana tamin’i Jehovah no nanatanjaka anao?

Tsy nandao ahy mihitsy i Jehovah nandritra an’ireny fotoana ireny ... Tsapako hoe nanampy sy nanohana ahy foana izy. Tsy mbola nahatsapa hoatran’izany mihitsy aho hatramin’izay taona maro nanompoako azy izay. Fantany hoe noho ny anarany no mahatonga ahy hijaly, dia tsy manary an’izay tsy mivadika aminy mihitsy izy. I Jehovah no namana tsara indrindra ho antsika!

Nahoana ny ninamana tamin’ny mpiara-manompo no nanatanjaka anao?

Tena tsy hitako izay holazaina indraindray, sady sarotra amiko koa ny mampiseho ny fankasitrahako ny fitiavana nasehon’ny mpiara-manompo tamiko. Hita mihitsy hoe raisin’ny rahalahy sy anabavy hoatran’ny hoe mahazo an-dry zareo koa ny zava-tsarotra mahazo antsika.

Mampahery antsika ny mahita hoe voakarakara tamin’ny ‘fomba miavaka’ foana i Andrey, na dia niatrika fotoan-tsarotra aza.—Salamo 4:3.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO