7 JONA 2022 | VAOVAO FARANY: 21 NOVAMBRA 2023
ROSIA
VAOVAO FARANY: TSY AFAKA MADIODIO INDRAY | Resy Lahatra Izy hoe Tia sy Manohana Azy i Jehovah
Tamin’ny 20 Novambra 2023, dia nilaza ny fitsarana any amin’ny Faritra Mahaleo Tena any Khanty-Mansi, Yugra, fa tsy afaka madiodio indray ny Rahalahy Andrey Zhukov. Haverina hotsaraina indray àry ilay raharaha mahakasika azy.
Afaka madiodio ny Rahalahy Andrey Zhukov, araka ny didy navoakan’ny Fitsaram-paritr’i Yugorskiy, any amin’ny Faritra Mahaleo Tena any Khanty-Mansi, Yugra, tamin’ny 7 Aogositra 2023. Hita hoe tsy meloka izy amin’ny zava-drehetra niampangana azy.
Zava-nitranga
17 Aogositra 2020
Nampangaina ho mpanao heloka bevava i Andrey satria hoe mitarika fivoriana miafina ataon’ny fikambanana “mampidi-doza”
19 Aogositra 2020
Trano sivy an’ny Vavolombelon’i Jehovah no nanaovana bemidina, anisan’izany ny tranon’i Andrey. Notanana am-ponja vonjimaika izy taorian’izay
20 Aogositra 2020
Nafahana dia tsy navela hanao dia lavitra
14 Janoary 2021
Natao ao amin’ny lisitry ny olona mampidi-doza i Andrey, dia tsy afaka mampiasa ny volany any amin’ny banky
4 Aogositra 2021
Nisy zavatra hafa koa niampangan’ny manam-pahefana an’i Andrey, anisan’izany ny hoe “mivavaka amin’i Jehovah Andriamanitra, mitarika fotoam-pivavahana, ary mianatra lahatsoratra ara-pivavahana.” Nalaina am-bavany izy taorian’izay
15 Oktobra 2021
Nolavina ny fangatahana hoe hofoanana ilay raharaham-pitsarana
29 Desambra 2021
Nanomboka ny fitsarana azy
Ilay voampanga
Manampy an’i Andrey sy ny rahalahy sy anabavy rehetra enjehina i Jehovah, ary “porofo” izany hoe “tsara toetra” izy sady “mpanampy sy mpampionona” azy ireo.—Salamo 86:17; fanamarihana ambany pejy.
Mety ho Tianao Koa
VAOVAO
Gadraina Noho ny Finoany: Rosia
Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.