25 MEY 2022
ROSIA

VAOVAO FARANY | “Tsy Misy Antony Tokony Hatahorako”

HANDEFA

Nomelohin’ny Fitsaram-paritr’i Metallurgichesky, any Tcheliabinsk, ny Rahalahy Pavel Popov tamin’ny 25 Mey 2022. Nahazo sazy mihantona enin-taona izy. Tsy migadra aloha izy hatreto.

Zava-nitranga

26 Martsa 2019

Nanao bemidina sy nisava ny tranon’i Pavel ny lehilahy folo nisaron-tava. Nirongo basy sy nitondra marotoa lehibe ry zareo
22 Aprily 2021

Nampangaina hoe mpanao heloka bevava
18 Mey 2021

Niverina nisava ny tranon’i Pavel fanindroany ny manam-pahefana. Nentin-dry zareo tany mba hatao fanadihadiana ny vadin’i Pavel sy ny zanak’izy ireo vavy 13 taona
31 Aogositra 2021

Nampidirina tao amin’ny lisitry ny olona “mpampihorohoro” sy “mampidi-doza”
29 Novambra 2021

Nanomboka notsaraina satria hoe mpanao heloka bevava

Ilay voampanga

Pavel Popov

Teraka: 1977 (tany Novokouznetsk, any amin’ny Faritr’i Kemerovo)

Mombamomba azy: Mbola kely izy dia efa nifoka sigara sy nisotro toaka satria nikorontana ny fiainana tao an-tranony. Maty ny dadany tamin’izy 15 taona. Mpanao sodiora no tena asany

Lasa liana tamin’ny Baiboly izy rehefa nahafantatra an’ilay fampanantenana hoe mbola hiaina mandrakizay ao amin’ny paradisa ny olona. Nanomboka nianatra Baiboly tamin’ny Vavolombelon’i Jehovah tamin’ny 1994. Nahavariana azy hoe tena mirindra tsara ny Baiboly sady tanteraka tsara daholo ny faminaniana ao. Natao batisa tamin’ny 1995

Nanambady an’i Yelena tamin’ny 2003. Manan-janakavavy tokana ry zareo

Resadresaka nifanaovana taminy

Inona no nanampy anao tsy hatahotra?

Niteny i Jesosy hoe raha atao eo anatrehan’ny manam-pahefana isika dia mila manararaotra mitory amin-dry zareo. (Matio 10:18) Marina aloha hoe any angamba no toerana tsy mahafinaritra sy tsy mahazatra indrindra hanaovana an’izany, kanefa ampian’i Jehovah sy ny mpiara-manompo aho mba hahavita an’ilay izy. Izany no mahatonga an’ahy resy lahatra hoe tsy misy antony tokony hatahorako. . . . Hitako tamin’ny zavatra niainako hoe fitahiana foana no aorian’ny fitsapana. Ho vitako ny hiady amin’ny tahotra sy ny hakiviana raha mifantoka amin’ny fanamasinana ny anaran’i Jehovah sy ny Fanjakany aho.

Matoky isika fa mbola hanohana sy hamaly soa ny mpanompony tsy mivadika foana i Jehovah, satria tsy mivadika sady tsy matahotra ry zareo rehefa ao anatin’ny fitsapana.—2 Samoela 22:19-21.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO