17 JANOARY 2023 | VAOVAO FARANY: 17 APRILY 2023
ROSIA

VAOVAO FARANY: VOAHELOKA ILAY ANABAVY | “Eo Akaikiko eo Foana i Jehovah”

HANDEFA

Nomelohin’ny Fitsaram-paritr’i Metallurgicheskiy any Tcheliabinsk ny Ranabavy Olga Zhelavskaya, tamin’ny 17 Aprily 2023, ary nahazo sazy mihantona roa taona. Mbola tsy migadra izy izao.

Ilay voampanga

Olga Zhelavskaya

Teraka: 1962 (Potapovo, Faritanin’i Tcheliabinsk)

Mombamomba azy: Mpikojakoja ascenseur no asany

Nisy olom-pantany nianatra Baiboly dia nampifankahalala azy tamin’ny Vavolombelon’i Jehovah. Voavaly ny fanontaniany momba ny maty sy momba ny fisian’Andriamanitra. Natao batisa tamin’ny 2012

Resadresaka nifanaovana taminy

Inona ny tantara ao amin’ny Baiboly nampahery anao?

Taloha kelin’ny fitsarana ahy voalohany, dia nisy ranadahy izay nampirisika ahy hisaintsaina ny ohatr’i Jona mpaminany sy ny tantarany tao amin’ilay video hoe Mampianatra Antsika ho Be Herim-po sy Hamindra Fo ny Tantaran’i Jona. Natahotra be hilaza ny didim-pitsaran’i Jehovah tamin’ny Ninivita i Jona. Rehefa tonga tao amin’ilay tanàna izy dia noteneniny mora kely ilay didim-pitsarana. Lasa nafana fo anefa izy avy eo. Nampahery be ahy io tantara io. Tena nanampy ahy hanana finoana matanjaka sy hiaritra ireny zava-tsarotra ireny. Tadidiko foana hoe eo akaikiko eo foana i Jehovah dia tsy tokony hatahotra na inona na inona aho.

Matoky isika fa na inona na inona fitsapana hatrehintsika mpanompon’i Jehovah, dia “tsy hangozohozo mihitsy” isika satria tian’i Jehovah sy tohanany.—Salamo 16:8.

Zava-nitranga

16 Jona 2018

Nasian’ny manam-pahefana fitaovana fandraisam-peo sy video tao amin’ny tranon’i Olga mba hanaraha-maso azy
26 Martsa 2019

Nosavana ny tranony rehefa nanao fanadihadiana momba ny Rahalahy Vladimir Suvorov ny manam-pahefana
31 Aogositra 2021

Nampangaina ho mpanao heloka bevava. Nolazaina fa nanohana ny asa ataon’ny fikambanana mampidi-doza satria tao an-tranony no nanaovana fivoriana
22 Oktobra 2021

Tapaka lalan-dra dia niditra hopitaly
28 Septambra 2022

Nanomboka ny fitsarana azy

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO