6 MEY 2022 | VAOVAO FARANY: 21 FEBROARY 2023
ROSIA

VAOVAO FARANY: VOAHELOKA ILAY ANABAVY | Matoky An’i Jehovah i Tatyana Obizhestvit

HANDEFA

Nomelohin’ny Fitsaram-paritr’i Vakhitovskiy any Kazan, any amin’ny Repoblikan’i Tatarstan, ny Ranabavy Tatyana Obizhestvit tamin’ny 20 Febroary 2023. Nahazo sazy mihantona roa taona izy. Mbola tsy nampidirina am-ponja aloha izy izao.

Zava-nitranga

19 Janoary 2020

Nataon’ny polisy savahao ny tranon’i Tatyana sy ny tranon’ny Vavolombelon’i Jehovah hafa any Kazan. Nalaina am-bavany i Tatyana, dia avy eo notanana am-ponja vonjimaika
21 Janoary 2020

Nafahana izy ary nambenana tao an-tranony
25 Mey 2021

Nanomboka ny fitsarana azy

Ilay voampanga

Tatyana Obizhestvit

Teraka: 1962 (Kazan)

Mombamomba azy: Nahazo diplaoma tamin’ny fandrahoan-tsakafo. Mpahandro sakafo tao amin’ny sekoly iray no asany taloha, dia avy eo lasa mpitsabo mpanampy

Nianatra Baiboly tamin’ny Vavolombelon’i Jehovah, ary faly be rehefa nahafantatra hoe ho afaka hiaina mandrakizay. Natao batisa tamin’ny 1995, na dia nanohitra mafy aza ny fianakaviany. Manan-janaka roa vavy. Maty vady tamin’ny 2010

Resadresaka nifanaovana taminy

Inona no nanampy anao tsy ho kivy tamin’ianao nambenana tao an-trano?

Nivavaka tamin’i Jehovah foana aho mba homeny herim-po hiaretana ny zavatra nanjo ahy ... Rehefa nambenana tao an-trano aho, dia tena hoe irery ara-bakiteny. Tsy navela hiresaka tamin’ny olona tao amin’ny fiangonana mantsy aho, sady tsy nahazo niaraka tamin’iza na iza. Mafy be ilay izy tamin’ny voalohany, dia matetika aho no kivy. Niezaka anefa aho mba tsy hifantoka amin’ilay zavatra mahazo azy. Tena nanampy ahy ny nisaintsaina hoe fa maninona moa aho no tratran’izao. Lasa tadidiko mantsy hoe ho an’i Jehovah no iaretako an’ireny rehetra ireny, dia lasa tsy mifantoka be amin’ny tenako intsony aho.

Tena modely ho antsika i Tatyana satria matoky an’i Jehovah sady tsy miantehitra amin’ny fahaizany rehefa miaritra ny fitsapana mahazo azy.—Ohabolana 3:5.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO