13 SEPTAMBRA 2023 | VAOVAO FARANY: 12 MARTSA 2024
ROSIA

VAOVAO FARANY: VOAHELOKA ILAY ANABAVY | “Mirehareha Aho hoe Vavolombelon’i Jehovah!”

HANDEFA

Nomelohin’ny Fitsaram-paritr’i Sovietski, any Oriol, hanao asa an-terivozona roa taona sy tapany ny Ranabavy Tatyana Piskareva, tamin’ny 1 Martsa 2024. Halefa any am-ponja izy, ary hasaina hiasa eny amin’izay toerana hanendrena azy eny amin’ny fiaraha-monina.

Ilay voampanga

Tatyana Piskareva

Teraka: 1956 (Belenikhino, Faritanin’i Belgorod)

Mombamomba azy: Mpanao kaonty no asany

Nanambady an’i Vladimir tamin’ny 1976. Manan-janaka roa

Ny mpiray tanàna taminy no nahafantarany ny Vavolombelon’i Jehovah. Liana momba ny Vavolombelon’i Jehovah izy satria tsara fanahy sy mahay Baiboly ry zareo. Natao batisa izy sy Vladimir tamin’ny 1995

Nosamborina i Vladimir tamin’ny 9 Desambra 2020, ary notanana am-ponja vonjimaika tamin’ny 11 Desambra 2020. Mbola nigadra izy tamin’ny fotoana nanoratana an’ity lahatsoratra ity

Resadresaka nifanaovana taminy

Inona ny andinin-teny manampy anao hizaka an’ilay hoe ny vadinao migadra nefa ianao koa mbola miatrika fitsarana?

Tena mampahery be ahy ny voalazan’ny Salamo 139:4, 5 hoe: “Mbola tsy miteny akory aho, dia efa fantatrao tsara ny tiako holazaina, Jehovah ô! Manodidina ahy avy ao andamosiko sy avy eo anoloako ianao, ary apetrakao eo amiko ny tananao.” Tsapako hoe eo akaiky eo foana i Jehovah, na dia amin’ilay fotoana mafy be amiko iny aza. Matoky aho hoe hanampy ahy izy dia ho vitako ny hiaritra na inona na inona mitranga eo. Tony be aho ary milamin-tsaina. Lasa vao mainka aho izao te hiresaka amin’ny hafa momba an’i Jehovah. Mirehareha aho hoe Vavolombelon’i Jehovah!

Be herim-po sy tsy manana ahiahy hoatran’i Tatyana isika, satria misolo tena an’i Jehovah, sady izy koa manohana antsika foana. Tsy misy tsara noho ilay antsoina hoe Vavolombelony.—Isaia 44:8.

Zava-nitranga

9 Desambra 2020

Nosavana ny tranon’i Tatyana sy Vladimir. Nosamborina i Vladimir
11 Desambra 2020

Notanana am-ponja vonjimaika i Vladimir
28 Oktobra 2021

Nampangaina ho mpanao heloka bevava i Tatyana
10 Aprily 2023

Nanomboka ny fitsarana azy

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO