20 JONA 2023 | VAOVAO FARANY: 23 AOGOSITRA 2023
ROSIA

VAOVAO FARANY: VOAHELOKA ILAY ANABAVY | “Tsy Maintsy Hahavita Tsy Hivadika Amin’i Jehovah Aho”

HANDEFA

Nomen’ny Fitsaram-paritr’i Oktyabrskiy, any Novosibirsk, sazy mihantona efa-taona ny Ranabavy Tatyana Oleynik, tamin’ny 22 Aogositra 2023. Tsy voatery migadra aloha izy izao.

Ilay voampanga

Tatyana Oleynik

Born: 1952 (tany Khrushchevo, any Tula)

Mombamomba azy: Maty ny maman’i Tatyana tamin’izy dimy taona. Mpamily grue no asany. Mianadahy ny zanany

Natao batisa tamin’ny 2001, dia lasa Vavolombelon’i Jehovah

Resadresaka nifanaovana taminy

Inona no toetra tsara hitanao hoe tena ilainao amin’izao olana atrehinao izao?

Tena mafy be mihitsy ity zavatra atrehiko ity, dia vao mainka aho nahatsapa hoe tena mila manetry tena. Taloha aho zatra hoe tsy manontany hevitr’olona rehefa hanao zavatra iray, fa ataoko amin’ny fahaizako azy ilay izy. Hitako anefa tato ho ato hoe be dia be ny soa azontsika rehefa arahintsika tsara izay toromarika omena antsika. Dia lasa te hanaraka toromarika foana aho.

Betsaka izao ny olon-kafa enjehina nefa mbola be herim-po foana. Inona no ianaranao avy amin’ireny olona ireny?

Faly aho rehefa avy mamaky na maheno ny tantaran-dry zareo, satria hay tsy izaho irery no miaritra. Ny anadahy sy rahavaviko aza mahavita miaritra, dia izaho indray ve no tsy hahavita? Tsy maintsy hahavita tsy hivadika amin’i Jehovah aho. Fantatro tsara, ohatra, ry Ranadahy Aleksandr Seredkin mivady. Migadra enin-taona izao i Aleksandr. Tena modely ho ahy izy roa, sady hitako tamin’ny fiainan-dry zareo hoe mahita fomba isan-karazany hanampiana antsika foana i Jehovah. Tena marina ilay Hebreo 13:5, 6 hoe: “Fa hoy izy: ‘Tsy handao anao mihitsy aho, ary tsy hahafoy anao mihitsy.’ Dia ho be herim-po isika amin’izay, ka hilaza hoe: ‘I Jehovah no mpanampy ahy, ka tsy hatahotra aho.’”

Matoky isika fa mbola hotahin’i Jehovah foana i Tatyana sy izay rehetra “vonona hankatò” amin’ny zava-drehetra.—Jakoba 3:17.

Zava-nitranga

19 Aprily 2019

Nosavaina ny tranony
18 Novambra 2021

Nanomboka ny famotopotorana momba azy
26 Janoary 2023

Nanomboka notsaraina

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO