21 MARTSA 2024 | VAOVAO FARANY: 12 APRILY 2024
ROSIA

VAOVAO FARANY: VOAHELOKA ILAY ANABAVY | “Tsy Mandao Anay Mihitsy i Jehovah”

HANDEFA

Nomelohin’ny Fitsaram-paritr’i Tsentralniy any Prokopievsk, any amin’ny Faritanin’i Kemerovo, ny Ranabavy Yelena Chernykh tamin’ny 12 Aprily 2024. Nahazo sazy mihantona telo taona izy, fa mbola tsy migadra aloha izy izao.

Ilay voampanga

Yelena Chernykh

Teraka: 1976 (tany Prokopievsk)

Mombamomba azy: Lasa nifandray akaiky tamin’Andriamanitra izy rehefa nianatra Baiboly tamin’ny Vavolombelon’i Jehovah. Natao batisa tamin’ny 1998

Nanambady an’i Yuriy tamin’ny 2006. Voaheloka hanao asa an-terivozona telo taona i Yuriy tamin’ny Septambra 2023. Manan-janaka telo lahy ry zareo

Resadresaka nifanaovana taminy

Inona no mahafaly anao na dia mbola miaritra fanenjehana aza?

Faly aho hoe mbola afaka manatanjaka ny finoako foana aho. Mbola afaka mivavaka sy mamaky Baiboly ary manampy ny hafa mantsy aho. Ireny no manampy ahy tsy ho kivy. Mahafaly ahy koa ny mahafantatra hoe mamaly ny vavaka ataoko foana i Jehovah. Manome ahy ny tanjaka sy ny fahasahiana ilaiko izy, mba hiarovako ny anarany eny amin’ny fitsarana. Tena soa ihany koa fa teo ny mpiara-manompo, satria manohana ny fianakaviako ry zareo, mivavaka ho anay, ary manome an’izay ilainay. Tsy mandao anay mihitsy i Jehovah. Tena misaotra azy aho noho izy eo akaikiko eo sy manohana ahy foana rehefa miatrika fitsapana aho.

Mampahery antsika ny mahafantatra hoe “tsy miovaova ” i Jehovah. Hanohy hanome antsika “ny fanomezana tsara rehetra sy ny fanomezana tonga lafatra rehetra” izy, amin’izay isika ho afaka hiaritra na dia miatrika fitsapana faran’izay mafy aza.—Jakoba 1:17.

Zava-nitranga

12 Jolay 2020

Nosavana ny tranony. Samy natao famotorana i Yelena sy Yuriy
25 Mey 2023

Nampangaina ho mpanao heloka bevava
15 Aogositra 2023

Tsy nahazo nanao dia lavitra
9 Oktobra 2023

Nanomboka notsaraina izy

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO