26 OKTOBRA 2022 | VAOVAO FARANY: 22 NOVAMBRA 2022
ROSIA

VAOVAO FARANY: VOAHELOKA ILAY RAHALAHY | “Afaka Mizaka An’izay Mitranga Rehetra eo Aho Rehefa Ampian’Andriamanitra”

HANDEFA

Nomelohin’ny Fitsaran’i Asha, any amin’ny Faritr’i Tcheliabinsk, ny Rahalahy Andrey Perminov tamin’ny 21 Novambra 2022, ka nomen’izy ireo sazy mihantona enin-taona. Tsy migadra izy amin’izao.

Zava-nitranga

11 Jona 2021

Tranona Vavolombelon’i Jehovah dimy no nosavana tany Asha sy Minyar, anisan’izany ny tranon-dry Andrey. Be dia be ny zavatry ry zareo nalain’ny manam-pahefana
10 Novambra 2021

Tsy navela hiala amin’ny faritra nisy azy
27 Aprily 2022

Nampangaina hoe anisan’ny fikambanana mampidi-doza, dia natao tao anatin’ny lisitry ny mpampihorohoro
6 Jona 2022

Nanomboka ny fitsarana

Ilay voampanga

Andrey Perminov

Teraka: 1972 (tany Asha)

Mombamomba azy: Ankizy navitribitrika izy tamin’ny mbola kely, fa narary dia lasa tsy maintsy nampiasa seza misy kodiarana. Nahavita fianarana izy tatỳ aoriana, dia lasa mpanao kaonty any amin’ny fikambanan’ny kilemaina. Mpamorona programana ordinatera izao no asany sady mpamorona tranonkala

Efa hatramin’ny mbola kely izy no nieritreritra hoe mba inona no dikan’ny fiainana. Nianatra Baiboly tamin’ny Vavolombelon’i Jehovah tamin’ny 1995. Natao batisa 1999. Nanambady an’i Natalya tamin’ny 2015

Resadresaka nifanaovana taminy

Inona ny tantara ao amin’ny Baiboly nampahery anao?

Niantso an’ahy ilay mpanao fanadihadiana vao haingana, dia niteny tamiko hoe ho voaheloka aho satria nanao heloka bevava. Nitebiteby sy nitaintaina be aho naheno an’izany. Avy namaky ny tantaran’i Davida mihitsy anefa izahay sy ny vadiko tamin’io andro io, ilay tantaran’i Davida hoe notafihin’ny Amalekita ny tanànan’i Ziklaga dia nobaboiny daholo ny olona rehetra. “Dia nigogogogo nitomany i Davida” tamin’izay “ka rehefa tsy nanan-kery hitomaniana intsony [izy] vao nangina.” “Nalahelo be” izy kanefa “niantehitra tamin’i Jehovah Andriamaniny” dia “nahazo hery.” (1 Samoela 30:4, 6) Io ohatra navelan’i Davida io no nampahatsiahy ahy hoe afaka mizaka an’izay mitranga rehetra eo aho rehefa ampian’Andriamanitra. Hampian’ilay Raintsika foana isika, na inona na inona mety hafointsika, na fiadanan-tsaina izany na laza.

Afaka ny ho sahy hoatran’i Andrey koa isika rehefa mandinika ny nanampian’i Jehovah ny mpanompony fahiny. Tena matoky tanteraka an’izao nampanantenain’Andriamanitra izao isika hoe: “Hitondra anareo sy hanohana anareo aho ary hamonjy anareo, hoatran’ny efa fanaoko.”—Isaia 46:4.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO