25 NOVAMBRA 2022 | VAOVAO FARANY: 8 DESAMBRA 2022
ROSIA

VAOVAO FARANY: VOAHELOKA ILAY RAHALAHY | “Fantatray hoe Tsy Irery Izahay”

HANDEFA

Nomelohin’ny Fitsaram-paritr’i Metallurgicheskiy, any Tcheliabinsk, ny Rahalahy Vadim Gizatulin tamin’ny 7 Desambra 2022, ary nomeny sazy mihantona roa taona. Mbola tsy miditra am-ponja aloha izy izao.

Ilay voampanga

Vadim Gizatulin

Teraka: 1968 (Zlatoust, Faritr’i Tcheliabinsk)

Mombamomba azy: Elektrisianina no asany

Nanambady an’i Tatyana tamin’ny 1992. Manan-janaka vavy iray ry zareo

I Tatyana no voalohany nianatra Baiboly tamin’ny Vavolombelon’i Jehovah, dia nanomboka nianatra koa i Vadim taoriana kelin’izay. Natao batisa i Tatyana tamin’ny 2006, dia i Vadim tamin’ny 2007

Resadresaka nifanaovana taminy

Tsapanao ve hoe manohana anao i Jehovah amin’izao olana mahazo anao izao?

Mamaky Baiboly tsy tapaka izahay sy Tatyana sady maka fotoana hisaintsainana. Izay koa moa no ampirisihina hataontsika. Dia lasa tsapanay hoe tena eo ny tanan’i Jehovah manampy anay. Fantatray hoe tsy irery izahay. Hitan’i Jehovah izay ilainay, dia mampiasa ny Baiboly sy ny mpiara-manompo izy mba hanampiana anay. Lasa manana toe-tsaina tsara mba hiatrehana ny fanenjehana izahay mivady, noho ny vavaka ataon’ny rahalahy sy anabavy sy ny teny mankahery lazain-dry zareo. Tena hoatran’ilay tsapan’i Elisa mihitsy no tsapanay, hoe: “Ny miaraka amintsika dia betsaka noho ny miaraka amin’izy ireo.”—2 Mpanjaka 6:16.

Afaka matoky koa isika hoe tsy irery mihitsy isika rehefa miatrika fitsapana. Tsy hanary ny mpanompony tsy mivadika mihitsy i Jehovah.—Salamo 9:9, 10.

Zava-nitranga

26 Martsa 2019

Natao savahao ny tranon’ny Rahalahy Vladimir Suvorov mba hahafahana manadihady ny momba azy
31 Aogositra 2021

Nampangaina ho mpanao heloka bevava i Vadim, satria hoe nandray anjara tamin’ny zavatra fanaon’ny fikambanana raran’ny fanjakana
22 Oktobra 2021

Natao savahao fanindroany ny tranony, dia nentina natao famotorana izy sy ny vadiny
14 Jolay 2022

Tsy navela hanao dia lavitra i Vadim
18 Aogositra 2022

Nanomboka ny fitsarana azy

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO