12 JONA 2024 | VAOVAO FARANY: 25 JOLAY 2024
ROSIA

VAOVAO FARANY: VOAHELOKA ILAY RAHALAHY | “Hoatran’ny Ekipa Iray … Manompo An’i Jehovah”

HANDEFA

Nomelohin’ny Fitsarana eo Anivon’ny Distrikan’i Sovietski any Oriol ny Rahalahy Dmitriy Ignatov, tamin’ny 24 Jolay 2024, ary voasazy hanao asa an-terivozona roa taona any am-ponja. Voatery hipetraka ao amin’ilay fonja izy, ary hasaina hanao asa ho tombontsoan’ny besinimaro any amin’izay toerana hasaina hanaovany an’izany. Mandritra ny fotoana hanasaziana azy, dia halain’ny fanjakana ny 5 isan-jaton’ny karamany.

Ilay voampanga

Dmitriy Ignatov

Teraka: 1997 (tany Oriol)

Mombamomba azy: Miasa amin’ny orinasa mpandefa sy mpandray entana

Nanomboka nianatra Baiboly tamin’ny Vavolombelon’i Jehovah ny mamany tamin’izy folo taona. Natao batisa tamin’ny 2017

Nanambady an’i Darya tamin’ny 2020

Resadresaka nifanaovana taminy

Ahoana no anampian’ny vadinao anao mandritra an’izao fotoan-tsarotra izao?

Misaotra an’i Jehovah aho hoe manome an’i Darya izy mba ho namako akaiky sady manohana ahy. Na dia tsy mora aminy sady mampahatahotra azy aza ny zavatra iainanay amin’izao, dia tena miezaka manohana ahy foana izy. Lasa tsy afaka manome an’izay ilain’ny ankohonako hoatran’ny nataoko taloha aho noho ny fameperan’ny fitsarana. Dia vokany, lasa miady saina be mihitsy aho. Nanome toky ahy anefa i Darya hoe manana an’izay tena ilainay foana izahay. Na dia tsy eo intsony aza ny fanananay sasany, ohatra hoe ny ordinatera sy ny telefaonina, dia ny fitiavan’i Jehovah mbola eo foana. Matoky izahay hoe raha miara-miasa hoatran’ny ekipa iray foana izahay rehefa manompo an’i Jehovah, dia ho vitanay ny hiatrika an’izay olana rehetra mitranga.

Tena mampahery antsika ny ohatr’i Dmitriy sy Darya. Mampahatsiahy antsika ilay izy hoe rehefa mampifantoka ny saintsika amin’ny zavatra any ambony foana isika, dia hatanjaka foana ny finoantsika na dia miatrika zava-tsarotra aza isika.—Kolosianina 3:2.

Zava-nitranga

9 Desambra 2020

Nosavana ny tranony
28 Oktobra 2021

Nampangaina ho mpanao heloka bevava
13 Septambra 2023

Nosavana indray ny tranony
4 Martsa 2024

Nanomboka ny fitsarana azy

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO