12 SEPTAMBRA 2022 | VAOVAO FARANY: 13 JONA 2023
ROSIA

VAOVAO FARANY: VOAHELOKA ILAY RAHALAHY | Mbola Miantehitra Amin’i Jehovah sy Mitady ny Tari-dalany Ihany i Aleksandr Shutov

HANDEFA

Nomelohin’ny Fitsaram-paritr’i Lazo, any amin’ny Faritanin’i Khabarovsk, ny Rahalahy Aleksandr Shutov tamin’ny 9 Jona 2023, ary nahazo sazy mihantona roa taona sy dimy volana. Mbola tsy migadra aloha izy amin’izao.

Zava-nitranga

26 Jolay 2021

Nampangaina ho mpanao heloka bevava
30 Jolay 2021

Nosavana ny tranony. Voasambotra i Aleksandr, dia natao fanadihadiana. Nafahana izy avy eo fa tsy nahazo niala ny faritra nisy azy
3 Aogositra 2021

Nampidirina tao amin’ny lisitry ny olona “mampidi-doza” any Rosia
28 Aprily 2022

Nanomboka notsaraina satria, hono, nanao heloka bevava

Ilay voampanga

Aleksandr Shutov

Teraka: 1952 (tany Pionerskiy, any amin’ny Faritr’i Irkoutsk)

Mombamomba azy: Nanomboka niasa tany amin’ny toeram-pambolena sy fiompiana tamin’izy 15 taona. Misotro ronono izy izao

Nanambady an’i Rosa tamin’ny 1973. Manan-janaka 4 sy zafikely 11 ary zafiafy 3 ry zareo

Nianatra ny fahamarinana tamin’ny Vavolombelon’i Jehovah natao sesitany tany Siberia ny mamany. Natao batisa tamin’ny 1975 i Aleksandr. Nogadraina herintaona izy tamin’ny 1976 satria tsy nety nanao miaramila

Resadresaka nifanaovana taminy

Inona no lesona nianaranao tamin’ianao nigadra voalohany tamin’ny 1976?

Nisy zava-nitranga tadidiko izay tamin’izany. Teny an-dalana hoentina tany am-ponja aho tamin’izay, dia hozy ilay polisin’ny KGB hoe: “Mbola lavitra ny lalantsika fa tsy maninona ve isika raha mba miresadresaka kely?” Novaliako daholo ny fanontaniany, dia hozy avy eo hoe: “Rehefa mijery anao aho dia hitako hoe tony be ianao. Hoatran’ireny hoe hoentina hody any an-tranonareo izany ianao fa tsy ho any am-ponja.” Tsapako tamin’izay hoe rehefa miantehitra amin’i Jehovah ianao ka matoky tanteraka azy sady mangataka fanampiana aminy, dia lasa tony be mihitsy. Hoatr’ireny hoe tsy misy zavatra ratsy mitranga ireny akory. Dia mbola mila miantehitra amin’i Jehovah sy mangataka ny tari-dalany ihany aho amin’ity indray mandeha ity.

Mihamafy ny fanenjehana. Mila manatanjaka ny finoantsika isika rehetra dieny izao sady tapa-kevitra ny ‘hatoky hoe be fitiavana sy tsy mivadika mandrakizay mandrakizay Andriamanitra.’—Salamo 52:8

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO