Nomelohin’ny Fitsaram-paritr’i Pozharsky, any amin’ny Faritanin’i Primorié, ny Rahalahy Valeriy Vyaznikov, tamin’ny 7 Novambra 2023. Sazy mihantona roa taona sy tapany no nomena azy. Tsy voatery migadra aloha izy amin’izao.

Matoky isika fa raha miantehitra foana amin’ny Tenin’Andriamanitra hoatran’ny nataon’i Valeriy, dia hahavita hiaritra fitsapana, na inona izany na inona.​—Hebreo 4:12.

1. 2018

   Nanara-maso ny tranon’ny Vavolombelon’i Jehovah tany Luchegorsk ny mpanao famotorana. Nisy polisy miafina mody hoe liana tamin’ny Baiboly, dia noraisiny feo an-tsokosoko izay resaka nifanaovany tamin’ny Vavolombelon’i Jehovah tao amin’ilay faritra

2. 16 Jolay 2021

   Nampangaina hoe nanao heloka bevava i Valeriy satria hoe mitady hitarika olona hiditra ao amina fikambanana voarara

3. 5 Desambra 2022

   Tsy nahazo nanao dia lavitra

4. 9 Febroary 2023

   Nanomboka ny fitsarana