28 APRILY 2023 | VAOVAO FARANY: 16 JONA 2023
ROSIA

VAOVAO FARANY: VOAHELOKA ILAY RAHALAHY | “Tsy Hisy Hahavita Hanakana Ahy Tsy ho Faly”

HANDEFA

Nomelohin’ny Fitsaran’i Kovrov, any amin’ny Faritr’i Vladimir, ny Rahalahy Roman Adestov tamin’ny 15 Jona 2023, ary voasazy higadra herintaona. Efa voaefa ny saziny satria efa notanana am-ponja vonjimaika izy.

Ilay voampanga

Roman Adestov

Teraka: 1976 (Kovrov)

Mombamomba azy: Maty ny dadany tamin’izy 13 taona. Mpanao sodiora elektrika sy amin’ny gazy no asany

Nanambady an’i Alina tamin’ny 1999. Manan-janaka vavitokana

Resy lahatra izy hoe mahery ny Baiboly satria hitany hoe tena niova ny fiainany rehefa nampihariny ny torolalana tao. Natao batisa tamin’ny 2005 i Alina, ary i Roman tamin’ny 2006

Resadresaka nifanaovana taminy

Ahoana no fomba nanampian’ny mpiara-manompo anao?

Tiako be ny mahalala hoe manana fianakaviana tia an’i Jehovah hoatran’ahy aho maneran-tany. Mandrisika ahy mba hanompo an’i Jehovah foana sy handeha amin’ny lalana mankany amin’ny fiainana ny mahalala hoe be dia be ny mpiara-manompo mivavaka ho ahy. Nisy rahalahy izay koa nanome torohevitra anay mivady, dia narahinay ilay izy. Nampahatsiahy anay izy hoe raha tsy mitady izay hahasoa ny hafa intsony izahay, dia lasa hitsetra tena fotsiny. Miezaka mafy manampy ny hafa izahay dia lasa tsy mifantoka be amin’ny olana mahazo anay. Tena faly aho hoe avelan’i Jehovah ho anisan’ny fianakaviambeny.

Inona no manampy anao tsy ho kivy na dia mbola tsy fantatrao aza ny zavatra hitranga?

Tsy fantatra mihitsy izay havoakan’ny ampitso, dia tsy afaka miomana amin’izay rehetra mety hitranga aho. Na izany aza, dia matoky aho hoe mankasitraka ahy i Jehovah, sady manampy ahy tsy ho resin’izao tontolo izao sy tsy hivadika aminy. Raha tena vonona hanome ny fiainako ho an’i Jehovah, ilay Andriamanitro be fitiavana, aho dia tsy hisy hahavita hanakana ahy tsy ho faly mihitsy.

Matoky isika fa ‘hiaro an’izay miantehitra tanteraka aminy’ sy ‘hampiadana foana’ azy ireo i Jehovah, ilay “Vatolampy mandrakizay.”—Isaia 26:3, 4.

Zava-nitranga

28 Jona 2021

Nampangaina ho mpanao heloka bevava
8 Jolay 2021

Nosavana ny trano. Voasambotra
9 Jolay 2021

Notanana am-ponja vonjimaika
25 Novambra 2021

Navoaka tany am-ponja ary nambenana tao an-trano
21 Jona 2022

Tsy nambenana tao an-trano intsony fa lasa tsy nahazo nivoaka ny faritra nisy azy indray
26 Septambra 2022

Nanomboka notsaraina

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO