1 FEBROARY 2023 | VAOVAO FARANY: 1 AOGOSITRA 2023
ROSIA

VAOVAO FARANY: VOAHELOKA ILAY RAHALAHY | “Tsy Ilay Zavatra Mahazo Ahy no Mila Miova”

HANDEFA

Nomelohin’ny fitsarana any amin’ny tanànan’i Kovrovskiy any amin’ny Faritr’i Vladimir higadra roa taona sy fito volana ny Rahalahy Boris Simonenko, tamin’ny 28 Jolay 2023. Efa notanana am-ponja vonjimaika anefa izy sady efa nambenana tao amin’ny trano iray, dia tsy nila nanefa an’ilay saziny intsony. Tsy voatery migadra intsony izy izao.

Ilay voampanga

Boris Simonenko

Teraka: 1955 (Ukraine)

Mombamomba azy: Mpitrandraka harena an-kibon’ny tany

Nanambady an’i Ida tamin’ny 1978. Manan-janaka lahy atao hoe Aleksey ry zareo

I Ida no nianatra Baiboly voalohany niaraka tamin’ny Vavolombelon’i Jehovah. Lasa nianatra koa i Boris tatỳ aoriana rehefa nahita hoe lasa sambatra kokoa ny tokantranon-dry zareo satria nanaraka ny toro lalan’ny Baiboly ny fianakaviany. Natao batisa i Ida tamin’ny 1996, Aleksey tamin’ny 1998, dia Boris tamin’ny 2000.

Resadresaka nifanaovana taminy

Inona no nanampy anao hatanja-tsaina foana na dia be dia be aza ny zavatra niaretanao?

Nisy lahateny nampisaintsaina be ahy tamin’izay fivoriamben’ny vondrom-paritra anankiray izay. Izao no tenin’ilay mpandahateny: “Aleo lavitra migadra sady mifandray tsara amin’Andriamanitra toy izay tsy migadra nefa tsy mifandray aminy.” Nahatonga saina ahy ilay izy hoe raha te ho sambatra aho, dia tsy ilay zavatra mahazo ahy no mila miova fa ny toe-tsaiko rehefa miatrika an’ilay izy aho. Notadidiko foana ny tenin’ilay mpandahateny, dia izay no nanampy ahy hiaritra. Tena marina ny Salamo 27:13 hoe: “Taiza no ho niafarako raha tsy nino aho hoe hahita ny hatsaran-toetran’i Jehovah eo amin’ny tanin’ny velona?” Efa 20 taona mahery aho izao no nanompo an’i Jehovah, nefa vao mainka lasa akaiky azy aho tato ho ato rehefa avy niatrika an’iny olana iny.

Mbola matanja-tsaina sy faly i Boris sy ny vady aman-janany hatramin’izao satria miezaka mifandray tsara amin’i Jehovah foana. Matoky isika hoe hitohy foana izany.—1 Tantara 16:27.

Zava-nitranga

8 Febroary 2021

Nataon’ny manam-pahefana famotorana izy. Nalaina feo an-tsokosoko ny resany tamin’ny telefaonina, dia izay no nampiasain-dry zareo
17 Febroary 2021

Nosavan’ny polisy ny tranony. Nofotopotorana izy dia notazonina tany amin’ny polisy
18 Febroary 2021

Nampangain’ny manam-pahefana hoe nanao heloka bevava satria hoe nitarika fivorian’ny Vavolombelon’i Jehovah tamin’ny alalan’ny Internet. Nampidirina am-ponja vonjimaika
13 Jolay 2021

Navoaka ny fonja dia nambenana tao amin’ny trano iray
17 Febroary 2022

Navela nivoaka ny trano amin’izay, fa tsy nahazo nanao dia lavitra
15 Septambra 2022

Notsaraina

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO