29 MARTSA 2024 | VAOVAO FARANY: 10 JOLAY 2024
ROSIA

VAOVAO FARANY: VOAHELOKA ILAY RAHALAHY | “Tsy Manahy Be Aho na Matahotra Be”

HANDEFA

Nomelohin’ny Fitsaram-paritr’i Khabarovsk any amin’ny Faritanin’i Khabarovsk ny Rahalahy Valeriy Rabota, tamin’ny 10 Jolay 2024. Nahazo sazy mihantona enin-taona izy. Mbola tsy migadra aloha izy izao.

Ilay voampanga

Valeriy Rabota

Teraka: 1961 (tany Ukraine)

Mombamomba azy: Mpamily mpanatitra entana

Nivavaka tamin’Andriamanitra mba hanampy azy hahafantatra Azy. Nisy Vavolombelon’i Jehovah nihaona taminy ny ampitson’iny, dia nanomboka voavaly ireo fanontaniany. Natao batisa tamin’ny 1995

Nanambady an’i Elvira tamin’ny 2018

Resadresaka nifanaovana taminy

Inona no nanampy anao ho tony rehefa tonga hisava ny tranonareo ny polisy?

Vao avy nisakafo antoandro mihitsy izahay mivady no naheno zavatra nidoboka be tao am-baravarana. Hoatran’ny hoe vato be natoraka izany ilay izy. Azoko an-tsaina tamin’izay hoe inona ilay nitranga. Tonga dia tadidiko ilay sary anankiray izay. Misy anjely matanjaka erỳ ambony erỳ, dia miondrika mijery trano anankiray izy. Fianakaviana mipetraka mivavaka no ao amin’ilay trano, dia misy miaramila mitam-piadiana efa hiditra ao amin-dry zareo. Dia noteneniko ny vadiko hoe: “Mijery antsika i Jehovah sy Jesosy ary ny anjely be dia be amin’izao isika miteny izao.” Nivavaka haingana aho, dia avy eo nosokafako ny varavarana. Tsy haiko ny manazava azy fa tena tony be aho tamin’izay sady nahatsapa hoe tena akaiky an’i Jehovah. Manampy ahy i Jehovah dia tsy manahy be aho na matahotra be. Tsapako hoe tena tony aho sady milamin-tsaina.

Faly isika satria tena manam-pinoana i Valeriy. Fantatsika hoe hiaro azy sy izay rehetra tsy mivadika aminy mihitsy i Jehovah.—Salamo 37:28.

Zava-nitranga

1 Martsa 2022

Nosokafana ny raharaha iampangana azy ho mpanao heloka bevava
3 Martsa 2022

Nosavana ny tranony. Natao famotorana ary nampidirina am-ponja vonjimaika
5 Martsa 2022

Nafindra tany amin’ny fonja hafa, dia any no miandry ny fitsarana azy
29 Jona 2022

Nafahana avy tao am-ponja, dia nambenana tany an-tranony indray
7 Oktobra 2022

Tsy nambenana tany an-tranony intsony saingy tsy nahazo nanao dia lavitra
11 Mey 2023

Nanomboka ny fitsarana azy

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO