25 AOGOSITRA 2023 | VAOVAO FARANY: 4 APRILY 2024
ROSIA

VAOVAO FARANY: VOAHELOKA ILAY RAHALAHY | “Tsy Misy Mahafaly Ahy Mihoatra Noho ny Fifandraisako Amin’i Jehovah”

HANDEFA

Nomelohin’ny Fitsaran’i Goryacheklyuchevskoy, any amin’ny Faritanin’i Krasnodar, ny Rahalahy Pavel Sidorenko tamin’ny 3 Aprily 2024. Nahazo sazy mihantona telo taona izy. Tsy voatery miditra am-ponja aloha izy izao.

Ilay voampanga

Pavel Sidorenko

Teraka: 1985 (Krymsk, Faritanin’i Krasnodar)

Mombamomba azy: Injeniera mekanika no asany taloha

Nanambady an’i Marina tamin’ny 1981. Manan-janaka vavy tokana izy mivady

Lasa te hahafantatra ny Vavolombelon’i Jehovah rehefa voavaly tao amin’ny Baiboly ny fanontaniany momba ny niandohan’ny fiainana. Natao batisa izy sy Marina tamin’ny 1991

Resadresaka nifanaovana taminy

Inona ny andinin-teny ao amin’ny Baiboly mampahery anao?

Nanampy ahy ilay Romanina 8:38, 39, hoe: “Fa matoky aho fa na fahafatesana, na fiainana, na anjely, na fanjakana, na zavatra amin’izao fotoana izao, na zavatra ho avy, na hery, na ny ambony, na ny ambany, na zavaboary hafa, dia tsy hisy hahavita hampisaraka antsika amin’Andriamanitra ka hahatonga azy tsy ho tia antsika intsony.” Nanome toky ahy ireo teny ireo hoe ho tia ahy foana i Jehovah, dia tena mampahery ahy izany. Fantany fa tsy mora ny mahazo ahy sady azony tsara ny fihetseham-poko. Tsy misy mahafaly ahy mihoatra noho ny fifandraisako amin’i Jehovah.

Hoatran’i Pavel, dia faly isika mahafantatra hoe ho faly be sy ho sambatra isika raha miezaka tsy hiala amin’ny “lalan’ny fiainana.”—Salamo 16:11.

Zava-nitranga

26 Janoary 2022

Nosokafana ny raharaha iampangana azy ho mpanao heloka bevava
28 Janoary 2022

Nosavana ny tranony. Natao famotorana ary tsy mahazo mivoaka ny tany misy azy
22 Martsa 2023

Nanomboka ny fitsarana

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO