26 SEPTAMBRA 2022 | VAOVAO FARANY: 16 JANOARY 2023
ROSIA

VAOVAO FARANY: VOAHELOKA ILAY RAHALAHY | Tsy Natahotra Satria Nifandray Akaiky Tamin’i Jehovah

HANDEFA

Nomelohin’ny Fitsaran’i Kyzylskiy any amin’ny Repoblikan’i Touva ny Rahalahy Anatoliy Senin tamin’ny 12 Janoary 2023, ka nomeny sazy mihantona enin-taona. Mbola tsy nampidirina am-ponja aloha izy izao.

Zava-nitranga

28 Janoary 2021

Nosamborina sy notanana am-ponja vonjimaika izy rehefa avy nosavana ny tranony
30 Janoary 2021

Navoaka tany am-ponja ary nambenana an-trano
27 Martsa 2021

Tsy nambenana an-trano intsony izy, fa tsy nahazo nivoaka ny tanàna nisy azy indray
17 Janoary 2022

Voampanga satria nandamina ny asa fanaon’ny Vavolombelon’i Jehovah
6 Aprily 2022

Nanomboka notsaraina satria, hono, nanao heloka bevava

Ilay Voampanga

Anatoliy Senin

Teraka: 1979 (tany Norilsk, any amin’ny Faritr’i Krasnoïarsk)

Mombamomba azy: Elektrisianina sy mpikarakara fantson-drano no asany

Nanatrika fivorian’ny Vavolombelon’i Jehovah izy dia variana be satria nohazavaina mazava tsara tany ny zavatra lazain’ny Baiboly. Nanaiky hianatra Baiboly. Vita batisa tamin’ny 2000

Nanambady an’i Anastasiya tamin’ny 2013

Resadresaka nifanaovana taminy

Inona no zavatra nianaranao tamin’iny zava-nitranga iny?

Naka sary an-tsaina zavatra be dia be mety hitranga aho teo aloha. Fa rehefa tena nosavana tokoa ny tranoko, dia tsy nampatahotra be hoatran’ilay zavatra rehetra nalaiko sary an-tsaina akory ilay izy. I Satana no ao ambadik’ireny zava-nitranga ireny, satria manao izay hampatahotra antsika foana izy. Ny zavatra nianarako hoe tena ilaina ny maka fotoana hanamafisana ny fifandraisantsika amin’i Jehovah, raha tsy izany mantsy dia ho vitan’i Satana ny hanakivy antsika.

Mampahery antsika ilay tenin’i Jesosy tamin’ny mpianany hoe: “Aza avela hitebiteby na hatahotra ... ny fonareo.”—Jaona 14:27.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO