27 APRILY 2023 | VAOVAO FARANY: 28 JONA 2024
ROSIA

VAOVAO FARANY: VOAHELOKA ILAY RAHALAHY | “Tsy Ory na Inona na Inona Izahay”

HANDEFA

Nomelohin’ny Fitsaram-paritr’i Maiminskiy, any amin’ny Repoblikan’i Altaï, ny Rahalahy Sergey Petrenko, tamin’ny tamin’ny 27 Jona 2024, ary nomeny sazy mihantona efa-taona. Tsy voatery higadra aloha izy amin’izao.

Ilay voampanga

Sergey Petrenko

Teraka: 1979 (tany Oulan-Oudé, Repoblikan’i Bouriatie)

Mombamomba azy: Mpanao sodiora sy mpikojakoja trano no asany

Nanomboka nianatra Baiboly niaraka tamin’ny Vavolombelon’i Jehovah izy sy ny fianakaviany. Tena nahafaly azy ny nahafantatra fa mbola hatsangana ny maty. Natao batisa tamin’ny 1996 izy

Nanambady an’i Uliana tamin’ny 2013

Resadresaka nifanaovana taminy

Ahoana no nampisehoan’i Jehovah fa manohana anao sy ny fianakavianao Izy?

Tsy tian’ny mpampiasa ahy hiasa ho an-dry zareo intsony aho, volana maro taorian’ny niampangana ahy ho mpanao heloka bevava, dia nasain-dry zareo niala tamin’ny asako aho. Vao mainka lasa sarotra ny namelona sy nikarakara ny fianakaviako. Nanampy ahy anefa izany mba hiantehitra kokoa amin’i Jehovah sy handinika kokoa an’izay ataony ho ahy. Nanampy be anay mihitsy, ohatra, ny rahalahy sy ny anabavy etỳ aminay. Nivavaka ho anay ry zareo, nanatrika ny fitsarana ahy, sady mbola nanome an’izay zavatra nilainay. Tsy ory na inona na inona izahay, nanomboka tamin’izaho nampangaina ka hatramin’izao.

Matoky hoatran’i Sergey koa isika fa hanohana antsika foana i Jehovah rehefa tsy mivadika sy miaritra isika.—2 Samoela 22:19, 20.

Zava-nitranga

Janoary 16, 2022

Nosavana ny tranony
28 Jolay 2022

Niakatra fitsarana
7 Desambra 2022

Tsy nahazo niala ny faritra nisy azy
22 Desambra 2022

Nampangaina ho mpanao heloka bevava

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO