22 MARTSA 2023 | VAOVAO FARANY: 28 APRILY 2023
ROSIA

VAOVAO FARANY: VOAHELOKA ILAY RAHALAHY | “Vonona Hanao An’izay Hasain’i Jehovah Hataoko Aho”

HANDEFA

Nomen’ny fitsarana any Asha, any amin’ny faritr’i Chelyabinsk, sazy mihantona enin-taona ny Rahalahy Vadim Fedorov, tamin’ny 28 Aprily 2023. Tsy voatery migadra aloha izy amin’izao.

Ilay voampanga

Vadim Fedorov

Teraka: 1968 (tany Rudny, any Kazakhstan)

Mombamomba azy: Mpitatitra entana no asany

Nanambady an’i Lyubov tamin’ny 1991. Niteraka dimy

Nahaliana azy ilay fampanantenan’ny Baiboly hoe hiaina mandrakizay ny olombelona. Natao batisa izy mivady tamin’ny 1993, dia lasa Vavolombelon’i Jehovah

Resadresaka nifanaovana taminy

Nahoana no nampahery anao ny tantaran’ny olon-kafa enjehina hoatr’anao?

Betsaka tato ho ato ny rahalahy sy anabavy niakatra fitsarana noho ny zavatra inoany, dia nisy maromaro tafaresaka tamiko, fa ny resakay sy Rahalahy Nikolay Kuzichkin no tena nampahery be ahy. Efa antitra izy nefa mbola narary be koa tamin’izy nigadra. Nahafinaritra foana anefa ny zavatra noresahiny, sady izy mahatadidy andinin-teny lava be sady be dia be. Hita hoe tena tiany ny Tenin’Andriamanitra sady tena mifandray akaiky amin’i Jehovah izy. Nampahatsiahy ahy izany hoe mbola afaka mifandray akaiky amin’i Jehovah foana aho na dia efa antitra aza, na marary, na hoe misy zavatra hafa mahazo ahy. Niaiky koa aho rehefa nihaino ny zavatra nolazainy hoe i Jehovah irery ihany no afaka manome antsika hery mihoatra noho ny an’ny olombelona.

Inona no toetra tsara lasa nanananao taorian’iny fitsapana nahazo anao iny?

Indraindray aho tsy mandinika tsara fa entin’ny fihetseham-po fotsiny, dia maika hanapa-kevitra. Manampy ahy hanam-paharetana anefa izao zavatra mahazo ahy izao, indrindra rehefa tsy misy azoko atao fa tsy maintsy miandry an’i Jehovah aho mba hitari-dalana ahy. Vonona hanao an’izay hasain’i Jehovah hataoko aho.

Matoky hoatran’i Vadim isika fa hotahin’i Jehovah sy homeny hery izay tsy mety kivy fa manantena azy sady ‘manaraka ny lalany.’—Salamo 37:34.

Zava-nitranga

11 Jona 2021

Nosavan’ny polisy ny tranon’i Vadim sy Andrey zanany lahy
29 Aprily 2022

Nampangaina hoe nanao heloka bevava i Vadim
1 Desambra 2022

Nanomboka notsaraina i Vadim

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO