Nomelohin’ny Fitsaran’i Sourgout, any amin’ny Faritra Mahaleo Tena any Khanty-Mansi, Yugra ny rahalahy 17 sy anabavy iray, ny 5 Desambra 2023. Anisan’izany ny Rahalahy Vyacheslav Boronos, Saveliy Gargalyk, Yevgeniy Kayryak, Artem Kim, Sergey Loginov, Aleksey Plekhov, ary Sergey Volosnikov. Sazy mihantona enin-taona sy telo volana hatramin’ny fito taona no azon’ireo rahalahy 17. Sazy mihantona telo taona sy telo volana no azon’ilay anabavy. Mbola tsy migadra aloha ry zareo izao.

1. 15 Febroary 2019

   Nisava tranona Vavolombelon’i Jehovah maromaro tany Sourgout sy ny tanàna manodidina an’i Sourgout ny polisy. Rahalahy telo àry no nalefa tany am-ponja vonjimaika, anisan’izany i Sergey Loginov. Noterena hankany amin’ny hopitaly fitsaboana marary saina ny rahalahy iray hafa taorian’izay. Nampijalijalina izy fito mirahalahy voakasika tamin’ity raharaha ity rehefa tsy nety nilaza ny mombamomba ny mpiara-manompo taminy.

2. 26 Febroary 2019

   Nasain’ny Fitsarana Eoropeanina Momba ny Zon’olombelona navoakan’ny manam-pahefana rosianina mba hotsaboina i Sergey Loginov

3. 11 Aprily 2019

   Navoaka tany am-ponja vonjimaika i Sergey Loginov

4. 29 Oktobra 2021

   Nanomboka notsaraina izy ireo satria hoe mpanao heloka bevava

Matoky isika hoe henoin’i Jehovah ny vavaka ataon’ireny rahalahintsika be herim-po ireny. Matoky koa isika fa hovalian’i Jehovah haingana ny vavak’izy ireo rehefa ao anatin’ny mafy ry zareo.​—Salamo 69:17.