16 MEY 2022 | VAOVAO FARANY: 3 APRILY 2023
ROSIA

VAOVAO FARANY: VOASAZY HIGADRA | Vao Mainka Matoky An’Andriamanitra i Sergey Ananin

HANDEFA

Nomelohin’ny Fitsarana any Belovskiy, any amin’ny Faritr’i Kemerovo, ny Rahalahy Sergey Ananin, tamin’ny 31 Martsa 2023, ary voasazy higadra enin-taona. Tonga dia nentina tany am-ponja izy rehefa avy teny amin’ny fitsarana.

Zava-nitranga

9 Febroary 2021

Nanomboka nampangaina izy hoe mpanao heloka bevava satria, hono, hoe manohana fikambanana mampidi-doza
14 Febroary 2021

Nosamborina dia notanana am-ponja vonjimaika
16 Febroary 2021

Nambenana tao an-trano
25 Janoary 2022

Nanomboka notsaraina izy

Ilay voampanga

Sergey Ananin

Teraka: 1967 (tany Shchuchye, Faritr’i Kourgan)

Mombamomba azy: Mitendry gitara. Niasa tany amin’ny foibe mpamokatra herinaratra izy, talohan’ilay izy nambenana tao an-trano

Nanambady an’i Yelena tamin’ny 1988. Manan-janaka roa vavy

Nanomboka nianatra Baiboly tamin’ny Vavolombelon’i Jehovah izy sy ny vadiny tamin’ny 1995. Natao batisa tamin’ny 1996

Resadresaka nifanaovana taminy

Nisy andinin-teny tena nanampy anao ho vao mainka hatoky an’i Jehovah ve?

Ie, ilay Salamo 113:5-7 hoe: “Iza no mitovy amin’i Jehovah Andriamanitsika, ilay monina any amin’ny avo? Miondrika izy mba hijery ny any an-danitra sy ny etỳ an-tany, ka atsangany hiala amin’ny vovoka ny olona ambany. Ampiakariny avy eo amin’ny lavenona misavovona ny mahantra.” Tsy hoe mijery fotsiny an’izay mitranga amintsika izany i Jehovah, fa “miondrika” mihitsy izy dia manao zavatra manokana hikarakarana antsika. ... Ka na inona na inona olana mahazo antsika, dia mahita an’ireny rehetra ireny i Jehovah sady hanao zavatra ho antsika. ... Nieritreritra an’izany no tena nampitony ahy, dia vao mainka aho matoky an’i Jehovah. Lasa vao mainka koa izaho tsy te hivadika.

Matoky isika hoe mbola ho tia be sy hanampy an’ireo mpiara-manompo amintsika any Rosia ireo i Jehovah Andriamanitra, sady handrotsaka fitahiana be dia be amin-dry zareo sy izay mpanompony tsy mivadika rehetra eto an-tany.—Malakia 3:10.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO