26 JOLAY 2021
ROSIA

VAOVAO FARANY | “Vao Mainka Aho Akaiky Be An’i Jehovah Rehefa Nenjehina”

HANDEFA

Nolavin’ny Fitsaram-paritr’i Krasnodar, tamin’ny 20 Aprily 2022, ny fangatahana nataon’ny Rahalahy Vladimir Skachidub, rehefa nampakatra fitsarana izy. Mbola migadra izy amin’izao.

Zava-nitranga

Nomelohin’ny Fitsaram-paritr’i Pavlovskiy, any amin’ny Faritanin’i Krasnodar, higadra efa-taona sy roa volana i Vladimir tamin’ny 11 Oktobra 2021
30 Desambra 2020

Nanomboka notsaraina voalohany izy
23 Jolay 2020

Nampidirina tao amin’ny lisitry ny olona “mampidi-doza”
23 Jona 2020

Nomelohina tamin’ny fomba ofisialy hoe mpanao heloka bevava satria nitory

Ilay voampanga

Vladimir Skachidub

Teraka: 1961 (tany Pavlovskaya, Faritanin’i Krasnodar)

Mombamomba azy: Nanompo tao amin’ny tafika izy, dia avy eo nianatra momba ny fampandehanana radio tany amin’ny sekoly any Taganrog, any amin’ny Faritr’i Rostov. Maty ny ray aman-dreniny tamin’izy 25 taona. Nody tany amin’ny tanànany izy mba hikarakara an’i Nataliya, zandriny vavy 15 taona tamin’izany. Matin’ny kanseran’ny ra io zandriny vavy io tamin’ny 2003. Mpikojakoja milina tao amin’ny orinasa mpanao piesina aotomobilina no asany farany. Tia maka sary sy mitendry gitara

Lasa liana tamin’ny Baiboly izy rehefa nanomboka nifampiresaka tamin’ny Vavolombelon’i Jehovah i Nataliya sy Galina naman’i Nataliya. Tena tiany ny fanazavana momba ny famoronana, dia nanaiky hianatra Baiboly izy tamin’ny farany. Tsy nifoka sigara sy nisotro toaka intsony izy. Nanambady an’i Galina tamin’ny 1997. Natao batisa izy tamin’ny 1998, dia i Galina indray tamin’ny 2016

Resadresaka nifanaovana taminy

Inona no nangatahinao tamin’i Jehovah tamin’ny vavaka tamin’ireny fotoana ireny?

Nangataka fanahy masina aho, dia nangataka mba hatorony an’izay tokony hatao, sady homeny hery mihoatra noho ny an’ny olombelona. Dia rehefa nanomboka ilay fanadihadiana, dia . . . nivavaka aho mba hanamasina ny anaran’i Jehovah rehefa miresaka amin’ilay mpanao fanadihadiana. Nidera an’ahy ilay mpanao fanadihadiana tamin’ny farany hoe manaja sy mendrika ny fomba firesako sy ny fihetsiko.

Inona no nianaranao tamin’ity fitsapana ity ka hitanao hoe hanampy anao hiomana amin’ny fitsapana ho avy indray?

Vao mainka nampifandray anay sy Jehovah ity fanenjehana ity. Nampianatra an’ahy koa ilay izy hoe tsy tokony ho kivy aho rehefa ao anatin’ny sarotra fa hatoky tanteraka an’i Jehovah.

Matoky tanteraka hoatran’i Vladimir isika hoe mbola hanampy azy foana i Jehovah ‘amin’izay ho vitany ny hiaritra ny zava-drehetra, sady hanam-paharetana sy ho falifaly.’—Kolosianina 1:11.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO