30 JANOARY 2024
ROSIA

Voaheloka Hanao Asa An-terivozona Roa Taona any Am-ponja ny Ranabavy Sona Olopova

HANDEFA

Nomelohin’ny Fitsaram-paritr’i Tsentralniy any Tolyatti, ao amin’ny Faritr’i Samara, hanao asa an-terivozona roa taona any am-ponja ny Ranabavy Sona Olopova, tamin’ny 25 Janoary 2024. Voatery mijanona ao amin’ilay fonja izy sady manao asa fanasoavam-bahoaka.

Ilay voampanga

Sona Olopova

Teraka: 1987 (Armenia)

Mombamomba azy: Nifindra tany Rosia izy sy ny fianakaviany tamin’izy folo taona. Mpikarakara bika aman’endrika no asany taloha

Ny mamany no nampianatra azy Baiboly. Natao Batisa ka lasa Vavolombelon’i Jehovah tamin’ny 2000

Nanambady an’i Anatoliy tamin’ny 2009

Resadresaka nifanaovana taminy a

Inona no nanampy anao hanana finoana matanjaka foana amin’izao zava-tsarotra iainanao izao?

Tsy laviko aloha hoe tena sarotra tamiko ny nahita fotoana hanaovana an’izay zava-dehibe kokoa tamin’ny voalohany. Tena nandany fotoana be, ohatra, ny nanomana an’ilay fitsarana ahy. Nisy fotoana aho namaky taratasy momba ny fiampangana ahy, dia nieritreritra kely hoe: ‘Fa maninona moa aho raha mivavaka, mamaky Baiboly, sy mihaino an’i Jehovah aloha e! Aorian’izay aho mamita an’ilay fanomanana. Resy lahatra aho hoe rehefa izay zava-dehibe kokoa no ataoko voalohany, sy matoky tanteraka an’i Jehovah aho, dia handeha tsara foana ny zava-drehetra.

Matoky isika hoe haneho fitiavana an’i Sona sy ireo mpanompony matoky azy i Jehovah, dia hanampy sy hitari-dalana azy ireo.—Salamo 86:2

Zava-nitranga

15 Mey 2023

Nampangaina ho mpanao heloka bevava
16 Mey 2023

Nosavana ny tranony. Natao famotorana izy, dia noferana ny toerana azony naleha
6 Septambra 2023

Nanomboka ny fitsarana azy
25 Janoary 2024

Voaheloka hanao asa an-terivozona roa taona any am-ponja

a Mbola tsy nivoaka ilay fanamelohana an’ny Ranabavy Olopova, tamin’ity resadresaka ity natao

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO