27 SEPTAMBRA 2023
ROSIA

Voaheloka Higadra Telo Taona ny Rahalahy Nikolay Voishchev

HANDEFA

Nomelohin’ny Fitsaran’i Maykop, any amin’ny Repoblikan’i Adygeya, higadra telo taona ny Rahalahy Nikolay Voishchev, tamin’ny 14 Septambra 2023. Efa nogadraina izy nanomboka tamin’ny 20 Oktobra 2022, dia mbola any am-ponja hatramin’izao.

Ilay voampanga

Nikolay Voishchev

Teraka: 1955 (tany Kandalaksha, any amin’ny faritr’i Murmansk)

Mombamomba azy: Mpikarakara fantson-drano no asany taloha

Ny ray aman-dreniny no nahafantarany ny Vavolombelon’i Jehovah. Natao batisa tamin’ny 1974

Nanambady an’i Tatyana tamin’ny 1980. Maty i Tatyana tamin’ny 2014

Teny farany nataon’i Nikolay tany amin’ny fitsarana a

Tena mafy be tamiko ireo herinandro voalohandohany taorian’ny nisamborana ahy. Tena tsy tony mihitsy aho fa niady saina be tamin’ilay zava-nitranga. Lasa tony anefa aho rehefa avy nivavaka. Nanome toky an’i Mosesy hoatran’izao i Jehovah ao amin’ny Eksodosy 3:14: “Hataoko Izay Hahatonga Ahy ho Araka Izay Tiako.” Mampahery sy manampy ahy tsy hiady saina be i Jehovah tamin’ity zava-mitranga amiko ity. Nampiany koa aho mba tsy ho kivy be loatra amin’ilay izy.

Malahelo isika hoe migadra i Nikolay. Matoky anefa isika hoe ho eo foana i Jehovah hanatanjaka sy hampahery azy sy ireo rahalahy sy anabavy hafa mijaly.—Salamo 119:76.

Zava-nitranga

19 Oktobra 2022

Nampangaina ho mpanao heloka bevava
20 Oktobra 2022

Nosavana ny tranony. Natao famotorana dia notanana am-ponja vonjimaika
21 Oktobra 2022

Nafindra fonja hafa dia niandry fitsarana
11 Janoary 2023

Niangaviana ny mpitsara mba hoe any an-trano i Nikolay no tazonina sy harahi-maso noho izy tsy salama. Nolavin’ny mpitsara ilay fangatahana, ary nampitomboina ny fotoana hitazonana azy any am-ponja
25 Janoary 2023

Nanomboka ny fitsarana
14 Septambra 2023

Voaheloka higadra telo taona

a Notanana am-ponja vonjimaika ny Rahalahy Voishchev talohan’ny nitsarana azy, dia tsy mbola azonay natao ny nandamina fanadinadinana manokana mba hiresadresahana taminy.

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO